DWIZ 882

Kumpiyansa si DILG Sec. Eduardo Año sa pamumuno ni Police Lt/Gen. Archie Gamboa bilang permanente nang pinuno ng Philippine National Police (PNP).

Sa isang pahayag, sinabi ni Año na qualified naman si Gamboa sa posisyon na pansamantalang hinawakan na rin nito ng ilang buwan.

Tiwala ang kalihim na ipagpapatuloy ni Gamboa ang pinaigting na kampanya nito kontra illegal na droga, krimen gayundin ang pagsupil sa mga local terrorist at extremist group.

Umaasa rin si Año na sa ialim ni Gamboa, paiigtingin pa nito ang internal cleansing para linisin ang hanay ng PNP mula sa mga tinaguriang police scalawags.

Naniniwala ang Malakanyang na ginagawa lamang ng State Prosecutors ang kanilang trabaho kasunod ng naging rekomendasyon ng mga ito na makasuhan si dating PNP Chief Oscar Albayalde dahil sa isyu ng ninja cops.

Ayon kay Presidential Spokesman Salvador Panelo, ginagawa lamang ng DOJ ang kanilang trabaho at ito na aniya ang pagkakataon na maidepensa ni Albayalde ang kanyang sarili.

Nanatili naman aniya ang presumption of innocence kay Albayalde at iba pa habang hindi pa sila napapatunayang nagkasala sa Korte.

Una nang nakitaan ng probable cause ng DOJ na makasuhan ng graft si Albayalde matapos nitong hindi ipatupad ang parusa sa mga pulis na sangkot sa kwestiyonableng operasyon sa Pampanga nuong 2013.

Lumikha ang Google Philippines ng isang consolidated map na nagpapakita ng mga lugar na kinaroroonan ng mga evacuation centers para sa mga biktima ng bulkang Taal.

Ayon sa google, naging posible ang naturang map dahil na rin sa impormasyon mula sa Batangas Public Information Office.

Layon nitong matulungan ang mga biktima lalo na ang mga evacuees at kanilang kaanak gayundin ang mga nagnanais na maghatid ng tulong.

Para magamit ito, magtungo lamang sa google.com at i–click ang evacuation centers for the Taal eruption.

Natakdang isarado ang ilang lansangan sa Pandacan, Maynila para sa pagdiriwang ng Buling–buling festival ngayong araw, January 18.

Ayon sa advisory ng Manila City Government, magsisimula ang parada sa Sto. Niño Parish Church patungong Teodoro San Luis-Hilom–Narciso hanggang Jesus Industria–Hilom–Laborer pabalik sa simbahan.

Dahil dito, isasara muna ang mga sumusunod na kalsada simula 11:00 ng umaga:

• Jesus St/ Nagtahan
• East Zamora / President Quirino
• Pedro Gil St/ Carreon St
• Beata / Laura

Umabot sa 653 ang naitalang volcanic earthquake ng Phivolcs simula nang mag alburoto ang bulkang Taal nuong Linggo, January 12.

Ayon sa Philvolcs, ang mga nararanasang pag galaw ng lupa ay senyales na patuloy ang magmatic intrusion sa bulkan na maaring mauwi sa mga susunod pang pagsabog.

Simula 8:00 ng umaga kahapon Biyernes, January 17 ay mayroong mahihinang pagbuga ng abo ang bulkan at may naitalang 5 mahihinang pagsabog.

Nanatili naman sa alert level 4 ang Taal volcano na nangangahulugan na posible pa rin ang hazardous explosive eruption sa susunod na mga oras at araw.

Apektado rin ng pag-aalburoto ng bulkang Taal ang may halos 300 pulis.

Ayon kay PNP Officer in Charge Police Lt. Gen Archie Gamboa, ang naturang mga pulis ay mula sa Calabarzon.

Kaugnay nito, inaasahan ng PNP na hindi agad na makababalik sa trabaho ang mga apektadong pulis para tutukan muna ang kanilang pamilya at kabuhayan.

Dahil dito,  handa naman ang PNP National Headquarters na magpadala ng dagdag na pulis para magbigay ayuda sa PNP Region 4A.

Naghanda naman ang PNP ng N95 mask, goggles at raincoats sa mga pulis na naka deploy sa mga evacuation centers at relief efforts.