Patay ang 4 na miyembro ng isang pamilya nang masunog ang kanilang bahay sa Virac, Catanduanes.
Ang mga biktima ay isang 25-anyos na lalaki, kaniyang 28-anyos na kinakasama at kanilang mga anak na 7 at 3 taong gulang.
Ayon kay Barangay Chairperson Anthony Arcilla, posibleng natutulog ang mag-anak kaya’t hindi namalayan ng mga ito ang pagkalat ng apoy.
Samantala, sa imbestigasyon ng mga otoridad, lumalabas na faulty electrical wiring ang sanhi ng sunog. —sa panulat ni Mara Valle
Posibleng talakayin na ng Commission on Elections (COMELEC) ngayong araw ang petisyon ng PDP-Laban na humihiling na ipagpaliban ang pag-iimprenta ng balota na gagamitin sa May 9, 2022 elections.
Ayon kay COMELEC James Jimenez, i-re-refer sa COMELEC En Banc ang mosyong inihain ng PDP sa pangunguna ni Energy Secretary Alfonso Cusi na pangulo ng partido.
Sa 20 pahinang petisyon ng kalihim, hinimok nito ang poll body na i-reschedule ang pag-i-imprenta ng mga balota dahil sa mga nakabinbing kaso laban sa ilang kandidato at partylist organizations.
Sisimulan ng poll body ang pag-i-imprenta ng mga balota sa Enero a-15. —sa panulat ni Mara Valle
Pinakilos na ng BBM-Sara UniTeam ang kanilang volunteers upang mamahagi ng mga gamot at facemask sa mga ospital sa NCR sa harap ng patuloy na banta ng Omicron variant ng COVID-19 at pagsasailalim sa metro manila sa Alert Level 3.
Ipinag-utos ng tambalan nina presidential aspirant Ferdinand ‘Bongbong’ Marcos Jr. at vice presidential aspirant, Davao City Mayor Sara Duterte ang pag-iimbentaryo ng supply ng gamot at facemask sa kanilang national headquarters upang agad maipamahagi sa mga ospital.
Ayon sa BBM-Sara UniTeam, napaghandaan na nila ang ganitong sitwasyon o posibleng pagtaas muli ng kaso ng COVID-19, kaya’t may stock silang facemasks at mga gamot galing sa kanilang mga supporter.
Tiniyak din ng BBM-Sara UniTeam na prayoridad ang mga frontliner na mabigyan ng proteksyon dahil mahalagang maayos ang kanilang kalagayan upang masigurong ligtas ang lahat.
Samantala, pinayuhan ng BBM-Sara UniTeam ang publiko na sumunod sa mga health protocol at mag-ingat sa COVID-19.
PORMAL nang ipinagharap na ng reklamo ng Criminal Investigation and Detection Group (CIDG) sa Makati City Prosecutor’s Office ang tinaguriang “Poblacion Girl” na si Gwyneth Chua at 7 iba pa.
Ito’y dahil sa paglabag nila sa Quarantine rules sa ilalim ng Republic Act 11332 o ang Mandatory Reporting of Notifiable Diseases and Health Events of Public Health Concern Act.
Maliban kay Gwyneth, dawit din sa reklamo ang mga magulang nito na sina Allan at Gemma Chua gayundin ang kaniyang nobyo na si Rico Atienza.
Ayon pa kay P/Col. Randy Silvio, Team Leader ng CIDG na naghain ng reklamo, kasama rin sa mga kinasuhan and Resident Manager ng Berjaya na si Gladiolyn Biala, Assistant nitong si Den Sabayo at Security Manager na si Tito Arboleda.
Kasama rin sa reklamo ang Security/Doorman ng hotel na si Esteban Gatbonton at ang Front Desk/Counter Personnel na si Hannah Araneta
Hindi naman kinasuhan ng CIDG ang mga close contact ni Gwyneth sa halip ay hinikayat nila ang mga ito na maghain din ng reklamo laban sa dalaga.
Bilang tugon sa atas ni Interior and Local Government Sec. Eduardo Año, ikinakasa na ng Philippine National Police (PNP) ang kanilang random inspection sa iba’t ibang Quarantine Hotels gayundin sa iba pang establisimyento.
Ito’y kasunod ng mga napapaulat na pagtakas ng ilang balikbayan nating kababayan sa Quarantine Hotels na nagreresulta sa pagkalat ng COVID-19 lalo na ng Omicron variant.
Ayon kay PNP Chief P/Gen. Dionardo Carlos, layon nito na matiyak na nasusunod ang mga alituntuning itinakda ng IATF at upang hindi na maulit ang kaso ng tinaguriang si Gwyneth ‘Poblacion Girl’ Chua at isa pang balikbayan na lumabag sa quarantine rules.
Iniimbestigahan na rin aniya nila ang umano’y sabwatan sa pagitan ng mga quarantine hotel at ng mga balikbayan upang makalusot sa mandatory quarantine.
Nagbabala naman ang PNP Chief na wala silang sasantuhin sakaling may mahuhuli silang sangkot sa naturang gawain.
Muli na namang umakyat ang bilang ng mga lugar sa bansa na nakapailalim sa granular lockdown bunsod ng unti-unting pagdami ng mga naitatalang kaso ng COVID-19.
Batay sa datos ng Philippine National Police (PNP), aabot sa 23 lugar sa bansa ang nasa ilalim ng granular lockdown mula sa 16 na barangay.
Partikular sa mga lugar na isinailalim sa granular lockdown ay ang National Capital Region (NCR), MIMAROPA at Cordillera.
Mula sa nasabing bilang, 28 sa mga ito ay mga kabahayan na binubuo ng 73 indibiduwal na pinagbabawalan munang lumabas ng bahay para maiwasang kumalat ang virus.
Muli namang nanawagan ang PNP sa mga residenteng nakapailalim sa granular lockdown na huwag maging pasaway, sumunod sa health protocols at ugaliing maging malinis sa katawan at kapaligiran.
Naka self-isolate ngayon si PNP Deputy Chief for Administration P/LtG. Joselito Vera Cruz.
Iyan ang kinumpirma ni Vera Cruz makaraang makasalamuha ng isang pribadong indibidwal nuong biyernes na nagpositibo sa COVID-19.
Sa ngayon, nakararanas ng sipon si Vera Cruz at maliban dito’y wala na siyang nararamdamang iba pang sintomas.
Bukas, nakatakdang sumailalim sa RT-PCR test si Vera Cruz subalit bilang pag iingat ay minabuti niyang mag-self-isolate.
Una rito, naka-quarantine din si PNP Chief P/Gen. Dionardo Carlos matapos magpositibo sa COVID-19.
Kinumpirma mismo ni PNP Chief P/Gen. Dionardo Carlos na nagpositibo siya sa COVID-19 at ito ay pinaghihinalaang Omicron variant.
Ayon kay Carlos, sumailalim siya sa RT-PCR o swab test kasama ng kanyang mga anak at close-in Security noong linggo, Enero a-dos nang makaranas ng lagnat at panlalamig o “chills” ang kanyang mga kasambahay.
Kasama niyang nag-positibo sa virus ang kanyang duty driver at aide d’ camo na kasama niya sa sasakyan noong linggo.
Nakaranas din aniya siya ng panlalamig at lagnat noong linggo ng gabi, ngunit kinabukasan ay pananakit ng likod nalang ang kanyang naranasan.
Dahil dito, agad niyang inabisuhan si DILG Sec. Eduardo Año tungkol sa kanyang kondisyon, at pinayuhan siyang magpahinga lang habang naka-quarantine.
Patay ang isang 6 na taong gulang na babae matapos masabugan ng pinaniniwalaang dinamita sa Agoo, La Union.
Sa lakas ng pagsabog ay tumilapon sa layong 17 metro ang katawan ng biktimang hindi pinangalanan.
Ayon sa Agoo police, posibleng nakaimbak lang ang hinihinalang dinamita sabahay ng biktima at maaaring sinindihan o ginalaw kaya ito sumabog.
Inaalam pa ng mga kung sino ang may-ari ng pampasabog na maaaring sa patong-patong na kaso. — Sa panulat ni Mara Valle
Patay ang isa habang isa naman ang sugatan matapos pagbabariling ng isang lalaki na sinita dahil sa maingay nitong motor sa San Esteban, Ilocos Sur.
Kinilala ang nasawing biktima na si Jimmy Cabus, habang ang isa pang biktima namang sugatan sa pangyayari na si Henry Cabus Jr.
Ayon sa pulisya, sinita ng mga biktima ang kapitbahay na si Ely Vidal dahil sa ingay ng motor nito.
Ngunit ikinagalit umano ito ng suspek dahilan para pagbabarilin niya ang mga biktima.
Sinubukan pa na tumakas ni Vidal ngunit sumuko rin ito sa mga otoridad kinalaunan.
Kasalukuyan namang nahaharap sa patung-patong na kaso ang suspek.