Author

DWIZ 882

Bilang ng mga batang tinatamaan ng COVID-19 tumataas

Dumarami na rin ang mga batang nagkakasakit at tinatamaan ng COVID-19 matapos ang pagluluwag sa restrictions nitong holiday season.

Sa datos ng Department of Health, bagaman mataas ang recovery rate, umabot na sa 30 hanggang 34K ang total COVID cases sa mga bagong silang hanggang siyam na taong gulang hanggang nitong January 2.

Ayon kay Dr. Cynthia Cuayo-Juico ng Philippine Pediatric Society, karamihan ng na-aapektuhan ay edad lima hanggang labing-isa na pawang hindi bakunado.

Aniya, agad magpa-teleconsult sa mga doktor sakaling makitaan ng sintomas ng COVID-19 ang mga anak.

Payo rin ni Juico, kung galing sa labas ang mga magulang o ibang miyembro ng pamilya, maligo muna bago makisalamuha sa mga bata. —sa panulat ni Mara Valle

January 6, 2022 0 comment

HEADLINES RONDA PROBINSYA

2 arestado matapos makuhanan ng higit P1.6M halaga shabu sa Bukidnon

written by DWIZ 882

Arestado ang dalawang lalaki matapos mahulihan ng higit P1.6M na halaga ng shabu sa isinagawang buy-bust operation Bukidnon.

Kinilala ang dalawang suspek na sina Raul Loregas, 37- anyos at Jonathan Ian Agdon, 25-anyos.

Ayon sa Bukidnon Provincial Police, narekober sa dalawa ang 156 grams shabu na nagkakahalagang P1.6M.

Samantala, sinampahan naman ng kasong paglabag sa Comprehensive Dangerous Drugs act 2002 ang mga suspek. —sa panulat ni Mara Valle

January 6, 2022 0 comment

HEADLINES RONDA PROBINSYA

Manyakis na College Dean, timbog sa Pagadian City

written by DWIZ 882

Kalaboso ang isang College Dean matapos umano nitong manyakin ang kanyang dalawang estudyante sa Pagadian City.

Kinilala ang suspek na si Oscar Cosicol ng Criminology Department ng Southern Mindanao Colleges.

Hindi naman idinetalye ng pulisya kung anong klaseng kahalayan ang ginawa ng dean sa mga biktima.

Kasalukuyang nahaharap sa two counts ng kasong Acts of Lasciviousness si Cosicol at maaaring makulong ng 6 na buwan hanggang 6 na taon kung mapapatunayan ang reklamo. —sa panulat ni Mara Valle

January 6, 2022 0 comment

HEADLINES NATIONAL NEWS

Liquor Ban sa Maynila, tuloy kahit walang Traslacion

written by DWIZ 882

Ipinagbawal na ang pagbebenta ng alak sa lungsod ng maynila simula sa sabado, bisperas ng pista ng Itim na Nazareno sa Quiapo.

Ayon kay Manila Mayor Francisco “Isko Moreno” Domagoso, ipatutupad ang Liquor ban sa kabila ng kanselasyon ng Traslacion 2022.

Nagpasalamat naman si Moreno kay Minor Basilica of the Black Nazarene Rector, Monsignor Hernando Coronel, sa kanilang pagtugon sa pangangailangan ngayong may pandemya.

Nobyembre nang inanunsyo ng lokal na pamahalaan ng maynila ang suspensyon ng Traslacion 2022 dahil sa COVID-19.

Hinihikayat naman ang mga deboto ng Itim na Nazareno na mag-online misa na lamang sa linggo, ang mismong araw ng kapistahan ng poon. —sa panulat ni Mara Valle

January 6, 2022 0 comment

HEADLINES RONDA PROBINSYA

Navy, patay nang malunod sa training sa Cavite

written by DWIZ 882

Patay ang isang miyembro ng Philippine Marines matapos malunod habang sa gitna ng basic military scuba diving course sa loob ng kampo sa Ternate, Cavite.

Kinilala ang biktima na si Private Laurence Pabraquil Remontal, 26 na taong gulang, residente ng Zamboanga del Norte.

Ayon sa Ternate Police, umahon ang biktima sa kasagsagan ng kanilang underwater knot tying na may 20 talampakan ang lalim nang duguin ang ilong nito.

Pinayuhan si Remontal ng kanyang diving instructor na si Corporal Jaime Jimmy Gayosa Jr. na umahon habang ipinagpatuloy ng iba pang estudyante ang training.

Gayunman, bumalik sa tubig si Remontal at training na natapos umano nito pero hindi na nakaahon.

Inaalam na kung nagkaroon ng foul play sa pagkamatay ng biktima. —sa panulat ni Mara Valle

January 6, 2022 0 comment

HEADLINES RONDA PROBINSYA

Mag-asawa at 2 buwang gulang na anak, patay sa aksidente sa Negros Occidental

written by DWIZ 882

Isang mag-anak ang nasawi matapos salpukin ng water tanker ang kanilang motorsiklo sa San Carlos City, Negros Occidental.

Kinilala ang mga biktimang sina, Joemar Jirasol, 29 na taon, asawang si Angeline, 19 na taon at dalawang buwang gulang nilang anak na lalaki.

Ayon kay San Carlos City Police Deputy Chief, Capt. Roger Pama, nag-overtake ang water tanker na minamaneho ni Mykill Galgo, 24- anyos sa sasakyan ng mga Jirasol.

Pumalya umano ang manibela ni Galgo kaya’t sinalpok nito ang motorsiklo ng mga biktima.

Hawak na ng mga pulis si Galgo na maaaring maharap sa kasong Reckless Imprudence Resulting to Multiple Homicide. —sa panulat ni Mara Valle

January 6, 2022 0 comment

HEADLINES RONDA PROBINSYA

Pagbasura sa kaso ng isang E-Sabong operator sa Cabanatuan, kinundena ng NBI

written by DWIZ 882

Naghain ng Motion for Reconsideration ang National Bureau of Investigation (NBI) matapos ibasura ni Nueva Ecija Provincial Prosecutor Efren Clint Mallare Jr. ang kaso laban sa isang Online Sabong operation.

Ito, Ayon kay NBI Agent Waldy Palattao, ay upang kwestyunin ang desisyon ng piskal sa kanilang rekomendasyon na usigin ang mga operator ng iligal na online sambungan.

Ang mga tanong anya na ibinato ni Mallare ay ang parehong batayan na iniharap nila sa lokal na hukom na naglabas ng search warrant.

Sa pahayag ni Mallare, ang nadakip ang 7 technical people ay hindi kawani ng PCC kundi ng Philippine Cockfighting International Incorporated o PCII.

Apela naman ni Palattao, ginagamit ng pcii ang brand name na PCC sapagkat mas sikat ito kumpara sa kanilang online presentation at wala rin umanong permit ang PCII para mag operate.

Samantala, kasulukyang nakabinbin ang mosyon sa korte ng naturang lalawigan. —sa panulat ni Mara Valle

January 6, 2022 0 comment

HEADLINES NATIONAL NEWS

‘Save Street Kids’ text helpline vs COVID ipinanawagan ng BBM-Sara UniTeam

written by DWIZ 882

Nanawagan ang BBM-Sara UniTeam na magtayo ng isang ‘text helpline’ para sagipin ang mga ‘street kids’ sa gitna ng muling pagsirit ng mga kaso ng COVID-19 sa bansa.

Sinabi ni Partido Federal ng Pilipinas o PFP presidential aspirant Ferdinand ‘Bongbong’ Marcos, Jr, dapat agad masagip ang mga batang hamog dahil sila ang mas madaling madapuan ng sakit.

Dagdag ni Marcos, isa sa nakikita nila ng kanyang running mate na si Inday Sara Duterte para mailigtas ang batang hamog ay ang pagtatayo ng “Text helpline”.

Aniya magiging bahagi nang programang ito ang lahat ng indibidwal at netizens upang ipaalam agad sa mga kinauukulan ang mga nakikita nilang mga ‘batang hamog’ sa kalsada na kailangang iligtas at kalingain.

Ipinabatid pa ni Marcos na kung magtutulungan ang National Government at Local Government Units mas madaling matutunton ang mga ‘street kids’ dahil pakalat-kalat lamang ito sa kalsada.

January 6, 2022 0 comment

HEADLINES NATIONAL NEWS

Inflation rate noong Disyembre 2021, bumaba

written by DWIZ 882

Bumaba sa 3.6% ang inflation rate o antas ng pagtaas ng presyo ng mga bilihin noong Disyembre 2021.

Batay sa Philippine Statistics Authority, nasa 4.2% ang inflation rate noong Nobyembre 2021 at 3.5% noong Disyembre 2020.

Kabilang sa nagdulot ng mabababng inflation ay ang mga alcoholic beverages, footwear, damit, kagamitan sa bahay, kalusugan, transportasyon, mga restaurant at iba pang mga produkto.

Dahil dito, umabot sa average na 4.5% ang inflation rate noong 2021 mula sa 2.6% noong 2020 na mas mataas sa target range ng gobyerno na 2% hanggang 4%. —sa panulat ni Airiam Sancho

January 5, 2022 0 comment

INTERNATIONAL NEWS

7 patay, 26 sugatan sa aksidente sa malakas na pag-ulan ng niyebe sa Afghanistan

written by DWIZ 882

Nasawi ang 7 indibidwal habang 26 ang sugatan sa mga aksidente sa trapiko matapos ang malakas na pag-ulan ng niyebe sa Xinhua, Afghanistan.

Ayon kay Provincial Public Health Directorate Abdul Ghani Musamim, patay ang isang pasahero habang labing isa ang sugatan sa nangyaring banggaan ng dalawang sasakyan sa Jawzjan-Andkhoy Highway.

Kasunod nito, anim na indibidwal rin ang binawian ng buhay at walo ang sugatan sa tatlo pang insidente sa daan.

Samantala, agad na naisugod sa ospital ang mga nasabing indibidwal. —sa panulat ni Airiam Sancho

January 5, 2022 0 comment

Newer Posts

Older Posts