DWIZ 882

Umabot sa 20 milyong piso ang ibinigay na pinansiyal na tulong ng lokal na pamahalaan ng Muntinlupa para sa mga LGUs na naapektuhan ng bagyong Odette.

Nagmula ang pondo sa Quick Response Fund ng Local Disaster Risk Reduction and Management (LDRRM) ng Muntinlupa City.

Ang mga lugar na makakatanggap ng tig-500,000 pesos na tulong ay ang munisipalidad ng; Argao, Dalaguete, Dumanjug Tuburan sa Cebu; City government ng Bais, Negros Oriental; City government ng kabankalan, negros occidental; municipality ng Manjuyod, Negros Oriental; municipality ng Ilog, Negros Occidental; City government ng Himamaylan, Negros Occidental; at Municipality ng Socorro, Surigao Del Norte.

Samantala, 1 milyong piso kada isa ang matatanggap ng provincial government ng Dinagat Islands at Siargao sa Surigao Del Norte.

Hanggang nitong december 31 umabot na sa 405 ang mga nasawi sa bansa dahil sa bagyong Odette kung saan 1,147 ang sugatan at 82 ang nawawala batay sa datos ng National Disaster Risk Reduction and Management Council (NDRRMC). —sa panulat ni Abby Malanday

Bumaba pa sa 202.2 ang lebel ng tubig sa Angat Dam na mas mababa sa normal high level na 212 meters.

Sa panayam ng DWIZ, sinabi ni Dr. Sevilo David, Executive Director ng National Water Resources Board (NWRB) na mula ito sa 202.80 meters na naitala nitong December 31.

Dahil dito, pinayuhan ni david ang publiko na mag-ipon ng tubig at gamitin itong mabuti dahil bumaba na sa below normal ang antas ng tubig sa Angat dam.

Ang bahagyang pagtaas ng tubig sa angat nitong nakaraang buwan ay dahil sa Northeast Monsoon na inaasahang tatagal hanggang pebrero.

Inaasahang aabot naman sa 180 meters ang lebel ng dam sa kalagitnaan ng abril dulot ng Northeast Monsson at La Niña. —sa panulat ni Abby Malanday

Sinuspindi ng Philippine Basketball Association (PBA) ang 2021 Governor’s Cup sa gitna ng pagtaas ng bilang ng kaso ng COVID-19 sa bansa.

Ayon sa PBA, ipagpapaliban nila ang lahat ng laban hanggang sa bumaba ang nasabing kaso ng virus.

Samantala, binawasan din ng liga ang bilang ng mga pinapayagang indibidwal sa team workouts sa pito mula sa sampu.—sa panulat ni Airiam Sancho

Kinumpirma ni PNP Deputy Chief for Administration P/LtG Joselito Vera Cruz, na negatibo siya sa COVID-19.

Ito’y matapos siyang sumailalim sa RT-PCR test kahapon.

Una rito, inanunsyo ni Vera Cruz na siya’y nagself isolate matapos ma-exposed sa isang COVID positive individual.

Nataon pa ang anunsyo ni Vera Cruz matapos magpositibo naman si PNP Chief P/Gen. Dionardo Carlos.

Dahil dito, pansamantalang pamamahalaan ni Vera Cruz ang pisikal na pangangasiwa sa PNP habang naka-quarantine si Carlos na gumaganap pa rin ng tungkulin.

Itinuturing ng Armed Forces of the Philippines o AFP na malaking kawalan sa operasyon ng Communist Party of the Philippines – New People’s Army o CPP-NPA ang pagkamatay ng isa nilang mataas na opisyal.

Ito’y kasunod ng sumiklab na engkwentro sa pagitan ng Militar at ng mga Rebelde sa Brgy. Libudon, bayan ng Mabini, lalawigan ng Davao de Oro.

Kinilala ni Army’s 1001st Infantry Brigade Coimmander BGen. Jesus Durante III ang napatay na NPA leader na si Menandro Villanueva alias Bok.

Nagpapatupad ng focus military operations ang tropa ng mga sundalo sa lugar nang makatanggap ng impormasyon mula sa mga residente hinggil sa presensya ng mga armado sa kanilang lugar

Hindi na nag-aksaya ng panahon ang Militar para rumesponde at duon na nga sila sinalubong ng bakbakan hanggang sa matagpuan ang bangkay ni Villanueva.

Matagal nang tumatayong Kalihimm si alyas Bok ng Southern Mindanao Regional Committee at kasalukuyan ding Kalihim ng Komisyong Mindanao.

Commanding Officer din siya ng NPA National Operations Command at Miyembro ng Politburo ng Central Committee ng CPP

Isinara ng Bureau Of Internal Revenue (BIR) ang lisensya ng Philippine Gaming Operations (POGO) at ang service provider nito dahil sa hindi pagpareshistro.

Ayon kay Deputy Commissioner For Operations Arnel Guballa, kabilang sa mga establisiymento na ito ang imperial choice limited at service provider na aplus accel.

Aniya, mananatili itong sarado hanggang sa masunod ang mga kinakailangan sa pagpaparehisrto kasama ang pagbabayad ng kaukulang buwis at mga parusa.

Samantala, sinabi ni guballa na tinatapos na nila ang tax liabilities ng mga gambling company. —sa panulat ni Airiam Sancho

Posibleng ang Omicron variant ng COVID-19 ang simula ng katapusan ng pandemya.

Ito ang sinabi ni OCTA Research Fellow Father Nicanor Austriaco kung saan tinawag niya na ‘natural vaccine’ ang Omicron variant dahil makakakuha aniya ng antibodies na makapoprotekta sa iba pang variant ng COVID-19 ang mga makakarekober sa nasabing variant.

Samantala, nagpaalala si Austriaco sa publiko na mag-ingat at mahigpit na sundin ang health and safety protocol.  —sa panulat ni Airiam Sancho

Posibleng tumagal ng dalawa hanggang tatlong araw ang muling pagdadagdag ng suplay ng mga gamot sa trangkaso.

Ayon kay Pharmaceutical and Healthcare Association Of The Philippines (PHAP) Vice President Jannette Jakosalem, pinagsusumikapan na ng mga manufacturer ang paggawa ng mga medisina para sa nasabing sakit.

Aniya, maaaring mas matagal ang distribusyon nito sa mga probinsya lalo na kung malayo sa kanilang warehouse.

Samantala, sinabi ni jakosalem na walang kaso ng pag-iimbak at pagtaas ng presyo sa mga rehistradong drugstores at pharmacy industry. —sa panulat ni Airiam Sancho

Inihanda na ng Philippine Coconut Authority (PCA) ang pamamahagi ng mahigit 152,014 para sa mga coconut farmers na biktima ng Bagyong Odette.

Batay sa tala ng PCA, pumalo sa mahigit isang P1.58B ang halaga ng pinsala sa sektor ng puno ng niyog.

Sinabi rin ng ahensya na nagpaabot sila ng tulong pinansyal sa mga magniniyog sa mga nasabing farmer sa Surigao at Dinagat Island sa Region 13 at Southern Leyte sa Region 8. —sa panulat ni Airiam Sancho