Drew Nacino

Para kay Presidential Communications Office Executive Lucas Bersamin gun-guni lamang ang hinala ni dating pangulong Duterte na si dating senador Antonio Trillanes ang panibagong attack dog ng Malacañang.

Ginawa ni Sec. Bersamin ang pahayag matapos na hingan ng reaksyon kaugnay sa sinabi ng dating pangulo na posibleng may basbas umano ng palasyo sa panibagong pag-atake sa kaniya ni Trillanes.

Ayon pa sa PCO official na  mahirap pumatol sa katulad aniyang hallucination kung saan tuamanggi rin itong mag salita  dahil ayaw na aniyang patulan ang duda ng dating presidente.

Lumutang ang hinala ni Duterte na attack dog ng Malacañang si Trillanes dahil hindi umano gagalaw ito kung walang nasa likod nito dahil wala itong pera.

Dahil dito, planong kasuhan ng libel ng dating pangulo si Trillanes dahil sa patuloy na pag-atake sa kaniya at sa kaniyang pamilya kaugnay sa malaking pera nito sa bangko na mula  sa illegal na droga. - Sa ulat ni Geli Mendez (Patrol 30)

Matapos lumabas ng bansa ang bagyong Nika, namemeligro pang tumagal sa pagkakababad sa baha  ng mga lalawigan ng cagayan at isabela dahil naman sa bagyong Ofel.

Bukod sa flashfloods, tinukoy din ng DENR-Mines and Geosciences Bureau ang dalawang nabanggit na probinsya na may pinaka-maraming barangay na lantad sa landslides.

Kabilang sa tinukoy ng mga National Disaster Risk Reduction Management Center Waterways na namemeligro pang umapaw ang Cagayan River na maaaring magpalubog sa mas maraming lugar, gaya ng Tuguegarao City.

Batay sa Cagayan Provincial Disaster Risk Reduction and Management Office, halos 1,7000 kataong naninirahan sa mga mababang lugar sa Tuguegarao, mga bayan ng Alcala, Baggao, Ballesteros, Buguey, Iguig, Pamplona, Peñablanca, Solana ang nagsilikas dahil sa baha.

Batay sa projection ng PAGASA, posibleng mag-landfall ang bagyong Ofel sa mainland Cagayan o Northern Isabela area ngayong hapon.

Iminungkahi ng isang senador na paigtingin ang presensya ng Philippine Coast Guard at Bureau of Fisheries and Aquatic Resources sa mga pangisdaan ng mga Pilipino sa West Philippine Sea.

Ito, ayon kay Senator Imee Marcos, ang isa sa mga maaaring paraan upang mapawi ang agam-agam ng mga mamalakaya sa gitna ng sigalot territorial dispute sa West Philippine Sea, partikular sa exclusive economic zone ng bansa.

Dapat aniyang tiyakin ng gobyerno na may security escort ang mga mangingisda tuwing pumapalaot ang mga ito upang maiwasan ang pang-ha-harass.

Binigyang-diin ng presidential sister na kaawa-awa ang mga mangingisda dahil tuliro ang mga ito at hindi alam ang gagawin sa hanapbuhay ngayong dumarami ang mga barko ng China sa WPS.

Nilinaw naman ng mambabatas na kaya pa ring mahilot ng dayalogo ang anomang sigalot ng Pilipinas at Tsina sa pinagtatalunang karagatan.

Handa na si dating pangulong Rodrigo Duterte na ipasa sa iba ang pamumuno sa Davao City kung saan siya matagal na naging alkalde.

Aminado ang dating pangulo na hindi na niya na talaga nais sumabak sa pulitika at ipinauubaya na niya sa diyos kung sinuman ang mabalo at hindi naman kailangang duterte ang maging sunod na mayor.

Sinabi ni Duterte na tapos na ang kanyang political career at handa na niyang ipasa sa susunod na henerasyon ang pamumuno sa lungsod at iniiwan na sa kapalaran ang sasapitin ng kanyang mga anak sa pulitika.

Magugunitang naghain ng Certificate of Candidacy sa paparating na 2025 midterm elections ang mga Duterte.

Ang dating pangulo ay tatakbo sa pagka-alkalde ng Davao City kalaban si dating civil service commission chair at First District Representative Karlo Nograles, independent candidates Bishop Rod Cubos, social media personality roweno Caballes, Joselito Tan, at Jonathan Julaine.

Ang incumbent Davao City Mayor na si Sebastian Duterte ay tatakbo naman sa pagka-bise alkalde habang ang nakatatandang kapatid nito na si Rep. Paolo Duterte ay tatakbo muli sa pagkakongresista sa ikatlong pagkakataon.

Aabot sa P29.5 -M na halaga ng High Grade Marijuana o Kush ang naharang ng Bureau of Customs sa isang shipment na dumating sa Manila International Container Port mula Thailand.

Nagsagawa ang mga tauhan ng B.O.C. ng 100 %  physical examination sa designated examination area ng M.I.C.P. noong April 19, 23, at 24 at nadiskubre sa tatlong kahon ang pinatuyong dahon ng Marijuana na tumitimbang ng mahigit 21 kilo.

Naka-consign umano ang shipment sa isang Wilma at Erickson Bulahagui at dumating noong April 12.

Mayroon pa umanong 71 kahon na kasabay ang binuksang tatlong kahon mula sa thailand at susuriin din ng aduwana kung may lamang kontrabando ang mga ito.

Pinapurihan naman ni Customs Commissioner Bienvenido Rubio ang mga tauhan ng BOC sa kanilang masigasig na pagganap sa kanilang tungkulin at pagtugon sa hamon ni Pangulong Ferdinand Marcos Junior na labanan ang pagpasok ng iligal na droga at smuggled na produkto sa bansa.

Naharang ng mga tauhan ng Bureau of Customs (BOC) ang tinatayang P14.8 milyong halaga ng iligal na droga na tinangkang ipuslit sa bansa.

Ayon sa BOC -Ninoy Aquion International Airport (BOC-NAIA) idinaan ang iligal na droga sa Central Mail Exchange Center (CMEC).

Dumating umano ang shipment noong Enero 19, 2024 at nanggaling sa Wilmington, California, USA.

Idineklarang “hardware” ang laman nito.

Nang buksan ay nakuha sa loob ang 2,452 gramo ng Cocaine na itinago sa loob ng mga black bolt. Nagkakahalaga ito ng P12.995 milyon.

Naharang din sa CMEC ang anim na parcel na idineklara namang mga personal items. Nakuha sa loob ang 1,307 gramo ng marijuana na nagkakahalaga ng P1.829 milyon.

Inihahanda na ang mga kaso laban sa mga consignee ng mga parcel dahil sa paglabag sa Comprehensive Dangerous Drugs Act at Customs Modernization and Tariff Act.

Sinagot na ni 6 ang akusasyong nawalan ng ayuda ang 4 punto 3 Milyong benepisyaryo ng 4ps dahil sa ni-realign niyang budget.

Ayon kay Senator Marcos, inamin mismo ng dswd sa budget hearing noong Setyembre na 45% lang ng budget ng 4Ps ang nagamit o 3 buwan na lang ang natitira para ito ay gastusin.

Para maagapan na hindi ito maibalik sa National treasury, inirekomenda ng presidential sister na i-realign o ilipat ang balanseng 8 billion pesos sa ibang programa ng dswd na agad maipatutupad.

Ipinaliwang ni “Super ate” Na hinati-hati ang pondo sa supplemental feeding program, kapit-bisig laban sa kahirapan-comprehensive and integrated delivery of social services, quick response fund for disasters at assistance to individuals in crisis situation o aics.

Sa usapin naman ng 5 billion tapyas sa AICS, sinabi ni Senador Marcos na inirekomenda niya itong ipasok sa senate version pero inalis nang umakyat na sa BICAM committee dahil sa kawalan ng fiscal space matapos ang pandemya.

Iginiit ng mambabatas na dapat mapanatili ang badyet ng dswd dahil mahihirap ang mawawalan kung hindi maisasalba ang bilyones na balanse para sa 4Ps noon.

Pinabulaanan ng China ang tangka umanong cyberattacks sa ilang government websites ng Pilipinas.

Tugon ito ng tsina sa ibinunyag ni Department of Information and Communications Technology Undersecretary Jeffrey Ian Dy napigilan nila ang cyberattacks sa websites ng Overseas Workers Welfare Administration.

Una nang inihayag ni Dy na natunton nila ang advanced threat groups na nag-o-operate as chinese territories.

Tinawag ng Chinese Embassy na iresponsable ang nasabing ulat ng opisyal.

Ayon sa Embahada, sa katunayan ay patuloy ang kampanya ng chinese government laban sa lahat ng uri ng cyber attack alinsunod sa batas.

Hindi umano pinapayagan at kinukunsinte ng kanilang pamahalaan ang anumang bansa o sinumang indibidwal na masangkot sa cyber attack at iba pang iligal na aktibidad sa bakuran mismo ng Tsina.

Ipinag-utos na ni Land Transportation Office Chief, Assistant Secretary Vigor Mendoza II ang withdrawal ng interpleader case ng LTO Laban sa OMI-JKG, na supplier ng mga plaka ng sasakyan sa bansa.

Ang nasabing interpleader ang itinuturong dahilan ng tatlong taong pagka-antala ng issuance ng mga motor vehicle plates.

Inihain ito nina dating LTO Chief Edgar Galvante, Executive Director Romeo Vera Cruz at Assistant Solicitor General James Cundangan na naka-apekto rin sa mga supplier, gobyerno, lalo sa mga motoristang matagal naghintay ng kanilang plaka.

Umaksyon si Mendoza nang matukoy kung sino ang tunay na may control, hindi lamang ng mga dokumentong nagpapatunay na nagkaroon ng plate deliveries, csv files at kakayahan na i-activate ang 603 million pesos na halaga ng RFID tags at makapagbigay ng lehitimong invoices and at official receipts para sa 470 million peso na ire-release ng korte.

Sa kabila ng mga akusasyon at legal battle kaugnay sa LTO, kinaladkad naman nina Christian Calalang at Ceasar Zamoranos, si Annabelle Margaroli, na tunay na may-ari ng OMI-JKG sa issue bunsod ng tatlong taong interpleader case na tinuldukan ni Asec. Mendoza.

Nag-ugat ang kaso sa pakikipag-sabwatan ni calalang sa lto management, na binaliwala ang “irrevocable authority” Ni margaroli at kahit mayroong deed of assignment, na nilagdaan at notaryado, patunay ng kanyang ownership sa majority shares ng OMI-JKG.

Ipinunto naman ni Mendoza na pangunahing prayoridad ng lto ay tiyaking maisakatuparan ang contractual obligations, na unang ini-award sa OMI-JKG noong 2014.

Matapos ang masusing imbestigasyon sa pangunguna ni Asec. Mendoza, napatunayan na kung sino ang may-ari ng OMI-JKG sa katauhan ni Margaroli.

 Ipinag-utos ng Quezon City Regional Trial Court Branch 90 kay Margaroli na magsumite ng mga kailangang dokumento sa lto.

Ang pag-acquire ni Margaroli sa majority share ng OMI-JKG ang nagpatibay sa ebidensyang inilipat sa kanya ang pag-aari ng kumpanya sa halip na kay Christian Calalang.

Ito rin ang patunay na siya ang sole signatory ng bagong bukas na land Bank of the Philippines account.

Sa kabila ng mga record na walang katibayan na nag-invest sina Calalang o Zamoranos ng kapital sa mga delivered plates, nag-ugat ang pondo mula sa lehitimong mga partners na sina Margaroli at Harinck, matapos kumpirmahin ng kanilang legal representatives.

Samantala, may mga ulat din na kinaladkad ni Calalang ang pangalan ni Executive Secretary Lucas Bersamin at ginamit ang tanggapan nito upang i-delay ang interpleader case.

Nananatili namang palaisipan kung batid ni Bersamin ang paggamit ni Calalang sa tanggapan ng executive secretary.

Nananawagan na ng tulong sa pamahalaan ang United Sugar Producers Federation (UNIFED) sa gitna ng patuloy na pagbaba ng presyo ng asukal na naka-aapekto na sa mga sugar producer, lalo na sa mga maliliit na magtutubo.

Ayon kay UNIFED President Manuel Lamata, umaasa silang matutugunan nina Pangulong Ferdinand Marcos Jr. at Agriculture Secretary Francisco Tiu Laurel Jr. ang kinahaharap ngayon ng mga sugar farmer.

Sa nakalipas anyang dalawang linggo, bumaba sa 2,300 hanggang 2,500 pesos ang presyo ng asukal kada bag sa negros at bukidnon kumpara sa 3,200 pesos noong isang taon.

Iginiit ni Lamata na nakababahala na ito para sa sugar farmers dahil mas mababa rin ang mill gate price ngayon kumpara sa kanilang production costs.

Wala rin aniyang pagbabago sa retail price ng asukal na nakapako sa 80 hanggang 85 pesos kada kilo, dahilan kaya’t wala nang kinikita ang mga magsasaka.

Problema rin para sa UNIFED ang pagtaas sa presyo ng krudo at fertilizer kaya’t dapat nang matulungan ang industriya upang hindi tuluyang malugi.