Drew Nacino

Namemeligro pang tumagal ang biyahe ng mga motorista patungong Bicol, Eastern Visayas at Mindanao pabalik ngayong holiday season.

Ito’y makaraang mapinsala ang iba pang kalsada sa ilang bahagi ng camarines sur bunsod ng walang tigil na pag-ulan.

Maliban sa Andaya Highway sa Bayan ng Lupi, na inayos kamakailan, nakitaan din ng mga sira, gaya ng mga bitak ang Maharlika Highway sa Libmanan.

Kinumpirma ng Libmanan Municipal Disaster Risk Reduction and Management Office namataan ang lumaking bitak sa Barangay Bikal.

May bitak at bako rin ang southbound lane ng maharlika highway na bahagi ng road widening project ng DPWH kaya’t asahan pa ang mabigat na daloy ng trapiko na sasalubong sa mga dumaraan sa Camsur sa mga unang araw ng taong 2025.

Bagaman wala pang pahayag ang DPWH Regional Office-5 kung kailan masisimulan ang repair, tiniyak ng Camarines Sur Provincial Police Office na handang umalalay ang pulisya para mapanatili ang maayos na daloy ng mga sasakyan.

Ilang senador ang hindi makakadalo sa paglagda ni Pangulong Ferdinand Marcos Jr. sa panukalang 6.352 trillion peso national budget para sa 2025.

Ayon kay Senator Juan Miguel Zubiri, nagkataon na nasa labas siya ng bansa kaya’t hindi siya makadadalo sa ceremonial signing.

Gayunman, umaasa si Senador Zubiri na natugunan ng malakanyang ang problema ng education sector lalo na ang pondo para sa computerization ng Department of Education.

Ipinunto rin ni Zubiri ang posibleng paglabag sa konstitusyon sakaling hindi na ang education sector ang prayoridad sa ipapasang pambansang pondo.

Hindi rin makadadalo si Senate President Pro Tempore Jinggoy Estrada kahit nasabihan siya ng presidential legislative liaison office dahil sa kanyang prior commitment.

Maging si Senator Sherwin Gatchalian na bagaman at nakatanggap ng imbitasyon ay hindi rin makakapunta sa paglagda sa national budget.

Nanawagan ang mga lider ng Kamara na itigil na ang pagpapakalat ng maling impormasyon kaugnay ng naging desisyon ng mataas at mababang kapulungan na alisin ang subsidy ng gobyerno sa PhilHealth para sa 2025.

Umapela rin si Assistant Majority Leader At Tingog Party-List Rep. Jude Acidre sa mga nagpapakalat ng maling kwento na maawa naman sa taumbayan at bilang pamasko ay dapat itigil na ang pagpapalaganap ng tsismis.

Itinaggi rin Acidre ang balitang walang magagamit na pondo ang PhilHealth sa susunod na taon upang maipagpatuloy ang benepisyong ibinibigay nito sa mga miyembro.

Sinabi naman ni Deputy Majority Leader at La Union Rep. Paolo Ortega V na maaaring ang mga nagpapakalat ng maling impormasyon ay hindi man lang miyembro ng PhilHealth.

Iginiit ng dalawang lider ng Kamara na mayroong sapat na pondo ang PhilHealth para matulungan sa pagpapagamot ang mga miyembro nito at sa katunayan ay madaragdagan pa ang mga benepisyong ibinibigay sa susunod na taon.

Kinumpirma ni Vice President Sara Duterte na hindi siya dadalo sa imbestigasyon ng NBI kaugnay sa kanyang banta kina Pangulong Ferdinand Marcos Jr., First Lady Liza Marcos at House Speaker Martin Romualdez.

Ito, ayon sa Pangalawang Pangulo, ay batay sa payo ng kanyang mga abogado dahil maaari naman siyang magsumite na lamang ng affidavit.

Bukod dito, mayroon anya silang thanksgiving activities ngayong araw, Disyembre 11 at matapos nito ay uuwi siya ng Davao City upang dumalo sa libing ng kanyang tiyuhin.

Sa kabila nito, nilinaw ni NBI Director Jaime Santiago na magpapatuloy pa rin ang kanilang imbestigasyon dumalo man o hindi ang Pangalawang Pangulo,ngayong araw.

Balak ng MERALCO na ibaon sa lupa ang mga kable ng kuryente sa susunod na limang taon upang maiwasang mapinsala ang mga ito sa gitna ng lumalalang urbanisasyon sa kanilang franchise area.

Ipinaliwanag ni MERALCO Chief Operating Officer Ronnie Aperocho na hindi lamang problema sa “spaghetti wires” ang matutugunan sa naturang plano kundi pa na rin maiwasan ang masamang epekto ng mga bagyo.

Gayunman, kailangan pa ng approval ng energy regulatory commission lalo’t malaking puhunan ang igugugol ng naturang power distributor na ipapasa naman sa mga consumer.

Iginiit ni E.R.C. Chairperson monalisa dimalanta na kailangan pang pag-aralang maigi ang mga ganitong uri ng big-ticket porject upang mabatid kung rasonable ito.

Kumbinsido si Office of the Presidential Adviser on Poverty Alleviation Secretary Larry Gadon na may problema na sa pag-iisip si Vice President Sara Duterte-Carpio.

Ito’y matapos ang mga banta ng bise presidente kina Pangulong Ferdinand Marcos Jr., First Lady Liza Araneta-Marcos at House Speaker Martin Romualdez.

Pinayuhan ni Secretary Gadon si VP Duterte na komunsulta sa doktor at itigil na ang mga paratang na political persecution ang ginagawa ng kongreso at administrasyong marcos laban sa kanya.

Aminado ang kalihim na hindi kailanman nangyari sa isang nakaupong bise presidente ang magmura, magbanta na papatay o mananakit at bastusin ang kapwa institusyon ng gobyerno.

Tila nanawagan na ng kudeta si dating pangulong Rodrigo Duterte laban kay Pangulong Bongbong Marcos na tinawag niyang drug addict.

Ito ang hamon ni Duterte sa Armed Forces of the Philippines kasabay ng apela sa military na protektahan ang konstitusyon.

Ayon sa dating pangulo, palpak ang pamamahala sa sa pilipinas ngayon at walang sinumang mag-tatama kay pangulong marcos o house speaker martin romualdez kundi ang militar lamang.

Tinanong din ni Duterte ang military kung ipagpapatuloy pa ba nito ang pagsuporta sa Marcos administration kung “drug addict” naman ang pangulo.

Ang hirit ng dating punong ehekutibo ay nag-ugat sa pagbatikos ng mga supporter ng kanyang anak na si vice President Sara Duterte na kasalukuyang nagtitipon sa Veterans Memorial Medical Center sa Quezon City, kung saan naka-confine ang kanyang OVP Chief of Staff na si Atty. Zuleika Lopez.

Para kay Presidential Communications Office Executive Lucas Bersamin gun-guni lamang ang hinala ni dating pangulong Duterte na si dating senador Antonio Trillanes ang panibagong attack dog ng Malacañang.

Ginawa ni Sec. Bersamin ang pahayag matapos na hingan ng reaksyon kaugnay sa sinabi ng dating pangulo na posibleng may basbas umano ng palasyo sa panibagong pag-atake sa kaniya ni Trillanes.

Ayon pa sa PCO official na  mahirap pumatol sa katulad aniyang hallucination kung saan tuamanggi rin itong mag salita  dahil ayaw na aniyang patulan ang duda ng dating presidente.

Lumutang ang hinala ni Duterte na attack dog ng Malacañang si Trillanes dahil hindi umano gagalaw ito kung walang nasa likod nito dahil wala itong pera.

Dahil dito, planong kasuhan ng libel ng dating pangulo si Trillanes dahil sa patuloy na pag-atake sa kaniya at sa kaniyang pamilya kaugnay sa malaking pera nito sa bangko na mula  sa illegal na droga. - Sa ulat ni Geli Mendez (Patrol 30)

Matapos lumabas ng bansa ang bagyong Nika, namemeligro pang tumagal sa pagkakababad sa baha  ng mga lalawigan ng cagayan at isabela dahil naman sa bagyong Ofel.

Bukod sa flashfloods, tinukoy din ng DENR-Mines and Geosciences Bureau ang dalawang nabanggit na probinsya na may pinaka-maraming barangay na lantad sa landslides.

Kabilang sa tinukoy ng mga National Disaster Risk Reduction Management Center Waterways na namemeligro pang umapaw ang Cagayan River na maaaring magpalubog sa mas maraming lugar, gaya ng Tuguegarao City.

Batay sa Cagayan Provincial Disaster Risk Reduction and Management Office, halos 1,7000 kataong naninirahan sa mga mababang lugar sa Tuguegarao, mga bayan ng Alcala, Baggao, Ballesteros, Buguey, Iguig, Pamplona, Peñablanca, Solana ang nagsilikas dahil sa baha.

Batay sa projection ng PAGASA, posibleng mag-landfall ang bagyong Ofel sa mainland Cagayan o Northern Isabela area ngayong hapon.

Iminungkahi ng isang senador na paigtingin ang presensya ng Philippine Coast Guard at Bureau of Fisheries and Aquatic Resources sa mga pangisdaan ng mga Pilipino sa West Philippine Sea.

Ito, ayon kay Senator Imee Marcos, ang isa sa mga maaaring paraan upang mapawi ang agam-agam ng mga mamalakaya sa gitna ng sigalot territorial dispute sa West Philippine Sea, partikular sa exclusive economic zone ng bansa.

Dapat aniyang tiyakin ng gobyerno na may security escort ang mga mangingisda tuwing pumapalaot ang mga ito upang maiwasan ang pang-ha-harass.

Binigyang-diin ng presidential sister na kaawa-awa ang mga mangingisda dahil tuliro ang mga ito at hindi alam ang gagawin sa hanapbuhay ngayong dumarami ang mga barko ng China sa WPS.

Nilinaw naman ng mambabatas na kaya pa ring mahilot ng dayalogo ang anomang sigalot ng Pilipinas at Tsina sa pinagtatalunang karagatan.