Drew Nacino

Isang linggo bago ang balik-eskwela, inaasahan na ng MMDA ang pagdagsa ng mga sasakyan, lalo sa mga panganuhing kalsada tulad ng EDSA.

Sa tantsa ni MMDA task force Special Operations chief Bong Nebrija, nasa 426, 000 hanggang 430, 000 vehicles per day ang inaasahan sa EDSA simula Agosto a – 22.

Kumpara ito sa 405, 000 na naitalang dami ng mga sasakyan sa EDSA sa pre-pandemic period noong 2019.

Inabisuhan naman ni Nebrija ang mga motorista na dumaan na lamang muna sa mga alternatibong ruta hangga’t maaari upang makaiwas sa inaasahang mabigat na daloy ng trapiko.

Magdedeploy anya ang MMDA ng 581 enforcers sa 146 na public schools sa Metro Manila upang matiyak ang maayos na daloy ng trapiko sa mga nasabing lugar.

Bukod pa ito sa ipinatutupad na No-Contact Apprehension Program para sa implementasyon ng Expanded Number Coding Scheme.

Sa ilalim ng Expanded number coding scheme, nilinaw ng MMDA na hindi na exempted ang mga senior citizen at persons with disabilities.

Tanging exempted ay mga Public Utility Vehicles, Motorsiklo, Transport Network Vehicle Services, Garbage at Fuel trucks, maging ang mga sasakyang mag-de-deliver ng essential goods.

Nabawasan ang bilang ng populasyon ng mga bata sa bansa sa nakalipas na dalawang dekada sa gitna ng mababang “fertility level”.

Ayon sa Commission on Population and Development (POPCOM), patuloy na nakapagtatala ang populasyon ng bansa ng mababang percentage ng mga nakababata batay sa datos ng Philippine Statistics Authority.

Inihayag ni Popcom executive director Juan Antonio Perez III na ang populasyon ng mga batang pilipinong edad lima ay bumaba sa 10.2% noong 2020 kumpara sa 10.8% noong 2015 at 12.6% noong taong 2000.

Bumaba rin anya sa 30.7% ang bahagi ng populasyon ng mga Pinoy na nasa edad kinse noong 2020 kumpara sa 37% noong taong 2000.

Ipinunto ni Perez na ang datos hinggil sa bumababang bilang ng mga bata simula noong 2015 ay indikasyon na epektibo ang Family Planning Program ng bansa.

Karagdagang 4, 182 COVID-19 cases ang naitala ng Department of Health kahapon.

Ito na ang ika-apat na sunod na araw na umabot sa mahigit 4K ang arawang kaso ng COVID-19 sa bansa.

Dahil dito, bahagyang bumaba sa 40, 016 ang active cases habang lumobo sa 3, 831, 941 ang total case load.

Karagdagang 44 new deaths naman ang naitala ng DOH kaya’t sumampa sa 61, 036 ang death toll habang umakyat na sa 3, 730, 889 ang recoveries.

Sa mga additional infection na naitala, pinakamarami ay mula sa Metro Manila na 1, 290.

Samantala, bahagyang bumaba sa 18.1% ang positivity rate mula August 7 hanggang 13 kumpara sa 18.7% noong July 31 hanggang August 6.

Nabawasan ang bilang ng traffic violations sa mga lugar na sakop ng No-Contact Apprehension Policy (NCAP) sa Quezon City.

Ayon kay Assistant City Atty. Carlo Austria, na nangangasiwa ng NCAP sa lungsod, natapyasan ng 80% ang traffic violations sa mga lugar na sakop ng nasabing polisiya.

Mas naging ligtas anya ang mga kalsada sa Q.C. dahil batid ng mga tao na mahuhuhli sila kung lalabag sa batas trapiko.

Batay anya sa kanilang datos, wala pang isang buwan ay mahigit 11K traffic violations na ang naitala simula nang ipatupad ang NCAP sa Quezon City noong July 1.

Karamihan sa paglabag ay Disobedience to Traffic Control Signals.

Posibleng 150k metrikong toneladang asukal na lamang ang angkatin ng Pilipinas sa Oktubre sa sandaling numipis ang lokal na supply.

Ito ang inihayag ni Pangulong Bongbong Marcos ilang araw matapos niyang ibasura ang kontrobersyal na planong importasyon ng 300, 000 metric tons ng asukal.

Partikular na tinukoy ni PBBM ang Sugar Order Number 4, na resolusyong na nilagdaan nang wala niyang basbas sa kabila nang pagsisimula ng harvest season ng sugarcane sa bansa.

Sa kanyang official YouTube vlog, nilinaw ni Pangulong Marcos na may sapat pa namang supply sa bansa kaya’t hindi pa kailangang mag-angkat ng napakalaking supply ng asukal.

Bukod sa asukal, nakikipag-ugnayan na anya ang gobyerno sa ibang bansa para sa pag-import ng pataba upang mapahupa ang tumataas na presyo ng urea sa Pilipinas.

Naglabas na ang Department of Trade and Industry ng panibagong suggested retail prices bulletins para sa basic necessities, prime commodities at school supplies.

Epektibo ngayong araw, tumaas na ang presyo ng ilang basic goods, gaya ng mga de latang karne, sardinas, instant noodles, mineral water, sabong panlaba at panligo, suka, patis, toyo, gatas, kape, tinapay at baterya.

Ikinunsidera ng DTI sa tatlo hanggang limang porsyentong price increase ang pagmahal ng raw materials at pagtaas ng distribution cost.

Gayunman, hindi nagbago ang presyo ng pinoy tasty at pinoy pandesal makaraang pakiusapan ng kagawaran ang philippine baking industry group na huwag munang magpatupad ng price hike.

Samantala, nakasaad sa panibagong srp bulletin ang pagpapataw ng dagdag-presyo sa school supplies, tulad ng notebook, pad paper, crayon, ballpen, lapis at pambura.

Mayo nang huling maglabas ang DTI ng srp bulletin para sa basic necessities at prime commodities.

Maaari namang bisitahin ang official website ng kagawaran na dti.gov.ph para sa iba pang detalye kaugnay sa presyo ng mga bilihin.

Tuloy ang implementasyon at hindi sinususpinde ang no-contact apprehension program (NCAP) sa Quezon City.

Ayon sa Public Affairs and Information Services Department ng Q.C, bagaman ang lgu sa Land Transportation Office upang resolbahin ang mga issue hinggil sa hirit na suspensyon ng ilang stakeholders sa ncap.

Nakikipag-usap din ang lokal na pamahalaan sa iba pang mga unit ng lgu na may katulad na programa, kaugnay sa magkakaparehas na parusa sa ilalim ng nasabing polisiya.

Bilang bahagi anila ng 14-point agenda, patuloy na nakikinig ang lokal na pamahalaan sa mga sentimyento ng qcitizens at ang kanilang mga boss ay dinidinig habang pinapahusay ng lgu Ang ncap.

Tiniyak din ng QC government sa mga motorista na hindi kailangang mag-alala hinggil sa hindi patas na pagpataw ng mga parusa, dahil ang quezon city ncap ordinance ay nagtatadhana ng isang adjudication board kung saan maaaring kwestyunin ang mga paglabag na nakunan sa video.

Aminado si acting MMDA Chairman Carlo Dimayuga na inimbitahan lamang niya si dating Anakalusugan Rep. Mike Defensor sa mga pulong ng ahensya.

Ito’y upang humingi ng payo hinggil sa mga programa na may kaugnayan sa muling pagbubukas ng klase at daloy ng trapiko.

Ayon kay Dimayuga, ugali naman na niyang magtanong sa mga kaibigan at humingi ng payo kung ano ang naiisip nila para mas mapaganda ang daloy ng trapiko kaya’t inimbitahan niya ang kaibigang si Defensor.

Gayunman, wala anyang kaugnayan ang dating kongresista sa MMDA.

Una nang itinanggi ng palasyo ang mga ispekulasyong si Defensor ang itatalagang chairman ng naturang ahensya.

Nilinaw ni dating Anakalusugan Party-list Rep. Mike Defensor na tumutulong lang siya sa Metropolitan Manila Development Authority kaya dumalo siya sa pulong ng ahensya.

Ito ang sagot ni Defensor makaraang punahin ni Chief Presidential Legal Counsel Juan Ponce Enrile.

Magugunitang sinita ni Enrile sa kanyang Facebook post ang mga lumabas na larawan ng pulong ng MMDA na dinaluhan ng natalong Quezon City mayoral candidate.

Ayon kay Defensor, nakausap na niya si Manong Johnny at nilinaw ang dahilan kung bakit siya nasa pulong ng MMDA.

Nagkataon lamang anya na nandoon siya sa pulong kung saan pinag-usapan ay balik-eskwela dahil na rin sa kanyang naging karanasan bilang dating presidential chief of staff.

Aminado naman si Defensor na kaibigan niya si acting MMDA Chairman Carlo Dimayuga kaya handa siyang tumulong at mag-ambag ng kaniyang kaalaman.

Isang “social call” lamang ang pagdalo ng natalong Quezon City mayoral candidate na si Mike Defensor sa pulong ng Metropolitan Manila Development Authority.

Tugon naman ito ng malakanyang matapos sitahin ni Chief Presidential Legal Counsel Juan Ponce Enrile ang pagdalo ni Defensor sa meeting ng MMDA.

Itinanggi rin ni Press Secretary Trixie Cruz-Angeles na si Defensor ang susunod na itatalagang chairman ng nasabing ahensya.