Drew Nacino

Sinimulan na ng National Grid Corporation of the Philippines ang power interconnection sa Mindoro Province.

Ito’y makaraang aprubahan ng energy regulatory commission ang kanilang aplikasyon na ikonekta ito sa mga pasilidad ng N.G.C.P.

Ayon kay N.G.C.P. Spokesperson, Atty. Cynthia Alabanza, noon ng 2011 pa sila nag-apply sa ERC dahil kailangan nilang dumaan sa Mindoro para sa planong kumonekta sa Palawan at Panay Island.

Gayunman, aminado si Alabanza na aabutin pa ng ilang taon bago magkaroon ng inter-connection sa mindoro na ngayo’y sineserbisyuhan ng power utilities group ng National Power Corporation o NAPOCOR.

Dapat bigyang konsiderasyon ang mga food delivery truck na dumaraan sa North Luzon expressway upang maibsan ang epekto ng mataas na presyo ng mga pagkain.

Ito ang panawagan ng grupong Samahang Industriya ng Agrikultura o SINAG sa gitna nang ipatutupad na dagdag singil sa toll ng N.L.E.X., simula sa Huwebes, Hunyo 15.

Ayon kay SINAG Executive Director Jayson Cainglet, dapat ibalik ang mga special lane na inilagay noong kasagsagan ng COVID-19 pandemic kung saan hindi na dumaraan sa mga checkpoint ang mga food deliveries.

Dapat din anyang makipag-ugnayan ang Department of Agriculture sa mga local government units upang mawala na ang mga “arbitrary” fees na kino-kolekta ng mga L.G.U.

Kung babawasan ang mga nasabing bayarin ay hindi na magkakaroon ng dahilan ang mga trader para magtaas ng kanilang presyo.

Kabilang sa mga dapat bigyan ng free pass o i-libre sa toll hike ang mga truck na nagde-deliver ng mga basic agricultural commodities, gaya ng bigas.

Naniniwala si Dating House Speaker at ngayo’y Davao Del Norte Rep. Pantaleon Alvarez na may nagtatangkang magpatalsik kay House Speaker Martin Romualdez.

Aminado si Alvarez na hindi na bago ang ganitong kalakaran lalo’t bahagi na ang kudeta sa kamara tuwing malapit na ang State of the Nation Address ng Pangulo.

Ayon sa kongresista, noon pa niya naririnig sa kanyang mga kasamahan ang planong palitan ang liderato.

Ganito rin anya ang sinapit niya bago ang ikatlong SONA ni Dating Pangulong Rodrigo Duterte kung saan si dating pangulo at ngayo’y Pampanga 2nd District Rep. Gloria Arroyo ang pumalit sa kanya bilang house speaker.

Sa tanong naman kung sino ang posibleng nasa likod ng tangkang pagpapatalsik kay Romualdez, naniniwala si Alvarez na si Ginang Arroyo ang nasa likod nito.

Samantala, pinayuhan ng kongresista mula Davao Del Norte si Romualdez na maging alerto dahil kung sino pa minsan ang tapat ang siya pang naninira sa kanya kapag nakatalikod.

Nabalot ng kontrobersya ang landbank of the Philippines-Ortigas branch makaraang i-freeze nito ang bank account ng PPI-JKG Philippines, na ngayo’y omi-JKG Philippines, isa sa mga contractor ng Land Transportation Office.

Nag-ugat ang account freeze sa liham ng isang Christian Calalang, na nameke ng mga dokumento sa General Information Sheet (G.I.S.) nang ibenta nito ang kanyang shares sa kumpanya kay Annabelle Arcilla-Margaroli.

Gayunman, isa lamang ang share ni Calalang sa OMI-JKG na nagkakahalaga ng P100 habang nagkaroon ang kanyang kumpanyang PPI-JKG ng joint ventures sa dutch company na JKG, na manufacturer ng plaka at nagsilbing supplier ng L.T.O. bago i-acquire ni Margaroli.

Dahil sa acquisition, nagkaroon ng joint venture ang 2 kumpanya upang bumuo ng OMI-JKG Philippines Incorporated.

Dismayado naman si Atty. Israelito Torreon, legal representative ng OMI-JKG, sa Landbank-Ortigas, lalo sa branch manager nitong si Nenita Camposano sa pagtanggi na i-release ang pera upang mabayaran ang mga utang sa supplier.

Iginiit ni Torreon na ang pasya ng bangko ay batay lamang sa request ni Calalang kaakibat ang palsipikadong G.I.S.

Dahil dito, matinding naunsyami ang issuance ng motor vehicle plates lalo’t nahihirapan ang OMI-JKG na bayaran ang local at foreign suppliers nito.

Hindi pinatulan ni House Speaker Martin Romualdez ang mga patutsada ni Vice President Sara Duterte.

Sa halip na patulan ang mga patutsada ni Vice President Duterte, itinuon ni Speaker Romualdez ang kanyang atensyon sa trabaho upang maipasa ang mga panukalang batas na kailangan upang mapaganda ang buhay ng mga Pilipino.

Ito ang inihayag ni Cavite 4th District Rep. Elpidio Barzaga Junior kasabay ng kanyang papuri kay Romualdez na hindi umano nito narinigan ng anumang masamang salita laban sa pangalawang pangulo.

Dahil anya sa suporta ng iba’t ibang partido sa liderato ni Romualdez ay naipasa ng kamara ang mga panukala na nais maisabatas ni Pangulong Ferdinand Marcos Junior at ng Legislative-Executive Development Advisory Council, kabilang ang Maharlika Investment Fund.

Iginiit naman ng leader ng kamara na hindi kailangan ng bansa ngayon ang bakbakan sa pulitika lalo’t ang itinaguyod ni Marcos noong kampanya kasama si Duterte ay ang pagkakaisa o unity.

Magugunitang nagbitiw si VP Inday sa Lakas-Christian Muslim Democrats, na partidong nagdala sa kanya noong halalan habang si Romualdez ang pangulo ng lakas-cmd.

Kamakailan ay tinawag ni Duterte na tambaloslos, o engkantong may malaking ari, ang isang hindi pinangalanang opisyal na nag-a-ambisyon umanong mag-presidente.

Napapanahon ang pagkakatalaga ni Pangulong Ferdinand Marcos Jr.  kina Atty. Gilberto “Gibo″ Teodoro bilang Defense Secretary at Dr. Teodoro “TED″Herbosa bilang Health Secretary.

Ito ang inihayag ni House Speaker Martin Romualdez matapos opisyal na maupo sa pwesto sina Teodoro at Herbosa.

Ayon kay Romualdez, dahil sa welcome development na ito ay mas magiging malakas gabinete ni Pangulong Marcos, lalo’t kapwa bihasa na sa defense at health sector ang mga bagong talagang kalihim.

Ang pagkakatalaga anya sa dalawa ay isang patunay na ang nais ni PBBM na makuha ang mga karapat-dapat sa posisyon at mayroong alam sa kanilang gagampanang tungkulin.

Si Teodoro ay Dating Defense Secretary at kinatawan ng Tarlac at anak ni Gilberto Teodoro Senior na naging Social Security System administrator noong panahon ni Dating Pangulong Ferdinand Marcos Senior.

Si Herbosa naman ay Dating Undersecretary ng DOH at naging opisyal ng Philippine General Hospital nang mahabang panahon bukod pa sa naging special adviser ng national task force against COVID-19 noong Duterte Administration.

Pinatututukan ni House Ways and Means Committee Chairman at Albay 2nd District Rep. Joey Salceda ang supply ng sibuyas na nagbabadya muling magmahal kung hindi daragdagan ang supply.

Ito’y dahil sa pagkaubos na ng onion stocks mula sa naging ani noong Enero at Pebrero.

Ayon kay Salceda, nananatili sa 7.7 % ang core inflation at sa ganitong rate ay sapul pa rin ang mahihirap na mamamayan sa mataas na presyo.

Kailangan anyang ipagpapatuloy ang mga hakbang ng pamahalaan upang mapaganda ang food supply, mapababa ang logistics costs at mapanatiling kontolado ang presyo ng basic services.

Makikipag-ugnayan naman ang mambabatas sa Bureau of Customs dahil sa patuloy na paggalaw ng presyo ng sibuyas.

Bukod sa sibuyas, kabilang din sa pinababantayan ni Congressman Salceda ang presyo ng sibuyas.

Ipinag-utos na ni Interior Secretary Benhur Abalos ang mas madalas na pagsasagawa ng random drug test sa mga tanggapan ng DILG, maging sa mga Local Government Unit.

Kasabay ito ng pinalawak na Anti-Drug Campaign ng gobyerno sa mga ahensya at opisina.

Binalaan naman ni Secretary Abalos ang mga mag-po-positibo sa iligal na droga na masisibak sila sa serbisyo, matapos sumailalim sa evaluation.

Bagaman mayroon anyang mga polisiya para sa random drug testing sa government offices, mas lalo itong dapat ipatupad sa DILG

Alinsunod ito sa anti-illegal drugs advocacy ng kagawaran na buhay ingatan, droga’y ayawan program, na tumututok sa drug demand reduction at rehabilitation.

Ang mga nasabing proyekto ang nakikitang solusyon upang mapigilan o mabawasan ang supply interruptions sa National Capital Region.

Ayon kay NWRB Executive Director, Dr. Sevillo David Junior, may mga nakalatag na proyekto sa Laguna De Bay at upper Marikina River Basin na makatutulong upang madagdagan ang alternatibong water source para sa mga residente ng Metro Manila.

Sa gitna ng lumolobong populasyon at lumalaking demand, nagiging mahalaga anya ang pahahanap anya ng alternatibong mapagkukunan ng supply ng tubig.

Samantala, ikinakasa na rin ang repair sa mga water channels upang marekober ang nasasayang na tubig mula sa mga nasirang tubo.

Aminado si Batangas Governor Hermilando “Dodo” Mandanas na blangko siya sa sinasabing black sand mining operations sa Dalampasigan ng Nasugbu.

Tugon ito ni Governor Mandanas sa ipinarating sa kanya ng DWIZ- ALIW 23 na reklamo ng mga residente ng barangay Bucana na naapektuhan umano ang kabuhayan dahil sa pagkasira ng kanilang kapaligiran dulot ng sinasabing black sand mining.

Ayon kay Mandanas, desilting operation ang isinasagawa sa Bucana river upang mapalalim ang ilog na dumadaloy palabas ng dagat o Nasugbu Bay.

Bagaman itinanggi ng gobernador na may black sand mining, kanya namang tiniyak na paiimbestigahan ang sinasabing operasyon.