Drew Nacino

Pinatututukan ni House Ways and Means Committee Chairman at Albay 2nd District Rep. Joey Salceda ang supply ng sibuyas na nagbabadya muling magmahal kung hindi daragdagan ang supply.

Ito’y dahil sa pagkaubos na ng onion stocks mula sa naging ani noong Enero at Pebrero.

Ayon kay Salceda, nananatili sa 7.7 % ang core inflation at sa ganitong rate ay sapul pa rin ang mahihirap na mamamayan sa mataas na presyo.

Kailangan anyang ipagpapatuloy ang mga hakbang ng pamahalaan upang mapaganda ang food supply, mapababa ang logistics costs at mapanatiling kontolado ang presyo ng basic services.

Makikipag-ugnayan naman ang mambabatas sa Bureau of Customs dahil sa patuloy na paggalaw ng presyo ng sibuyas.

Bukod sa sibuyas, kabilang din sa pinababantayan ni Congressman Salceda ang presyo ng sibuyas.

Ipinag-utos na ni Interior Secretary Benhur Abalos ang mas madalas na pagsasagawa ng random drug test sa mga tanggapan ng DILG, maging sa mga Local Government Unit.

Kasabay ito ng pinalawak na Anti-Drug Campaign ng gobyerno sa mga ahensya at opisina.

Binalaan naman ni Secretary Abalos ang mga mag-po-positibo sa iligal na droga na masisibak sila sa serbisyo, matapos sumailalim sa evaluation.

Bagaman mayroon anyang mga polisiya para sa random drug testing sa government offices, mas lalo itong dapat ipatupad sa DILG

Alinsunod ito sa anti-illegal drugs advocacy ng kagawaran na buhay ingatan, droga’y ayawan program, na tumututok sa drug demand reduction at rehabilitation.

Ang mga nasabing proyekto ang nakikitang solusyon upang mapigilan o mabawasan ang supply interruptions sa National Capital Region.

Ayon kay NWRB Executive Director, Dr. Sevillo David Junior, may mga nakalatag na proyekto sa Laguna De Bay at upper Marikina River Basin na makatutulong upang madagdagan ang alternatibong water source para sa mga residente ng Metro Manila.

Sa gitna ng lumolobong populasyon at lumalaking demand, nagiging mahalaga anya ang pahahanap anya ng alternatibong mapagkukunan ng supply ng tubig.

Samantala, ikinakasa na rin ang repair sa mga water channels upang marekober ang nasasayang na tubig mula sa mga nasirang tubo.

Aminado si Batangas Governor Hermilando “Dodo” Mandanas na blangko siya sa sinasabing black sand mining operations sa Dalampasigan ng Nasugbu.

Tugon ito ni Governor Mandanas sa ipinarating sa kanya ng DWIZ- ALIW 23 na reklamo ng mga residente ng barangay Bucana na naapektuhan umano ang kabuhayan dahil sa pagkasira ng kanilang kapaligiran dulot ng sinasabing black sand mining.

Ayon kay Mandanas, desilting operation ang isinasagawa sa Bucana river upang mapalalim ang ilog na dumadaloy palabas ng dagat o Nasugbu Bay.

Bagaman itinanggi ng gobernador na may black sand mining, kanya namang tiniyak na paiimbestigahan ang sinasabing operasyon.

Para daw maipakita ng administrasyon na talagang para sa sambayanang Filipino at sa mga susunod na henerasyon ang paglikha ng Maharlika Investment Fund (MIF).

Hinamon ni Senate Minority Leader Koko Pimentel ang Malakanyang na magpatawag ng referendum para sa Maharlika Investment Fund Bill.

Sa ganitong paraan ay makikita anya ang kumpiyansa na talagang makikinabang dito ang taumbayan at malalaman kung suportado ito ng mayorya  ng mga Filipino.

Sa pag-aanalisa ni Pimentel, sa halip na makabuti, makakasama ang paglikha ng Maharlika Investment Fund sa ekonomiya, sa bansa, sa taumbayan at sa kinabukasan ng bansa.

Ipagsasapalaran anya dito ang pera ng bayan  sa hindi pa klarong investments, samantalang maayos namang nagagamit at kumikita ang mga pondong pinagdiskitahang gamitin dito.

Tinutukoy ang 50 billion pesos na manggagaling sa landbank of the Philippines, 25 billion mula sa Development Bank of the Philippines, P25- B mula sa National Government at mga dibidendo ng Bangko Sentral ng Pilipinas.

Ayon kay Pimentel, mayroon ditong panganib dahil may history ng corruption ang bansa at ang Maharlika Bill ay patatakbuhin ng iilang tao.

Pwede anya itong kwestyunin sa Korte Suprema dahil sinertipikahan na pangulo na urgent measure gayung walang Public Calamity o Emergency.

Gumulong na sa plenaryo ng kamara at nakatakdang pagdebatehan ang House Bill 8218 na nagsusulong ng pagtatatag ng Philippine Atomic Energy Regulatory Authority o pagkakaroon ng Nuclear Energy ng bansa.

Ayon kay House Special Committee on Nuclear Energy Chairman at Pangasinan 2nd District Rep. Mark Cojuangco, ang pagtatag ng philatom ang tugon sa panawagan ni Pangulong Bongbong Marcos na isakatuparan ang pagkakaroon ng nuclear energy.

Ito, anya, ay bilang solusyon sa patuloy na lumalaking energy requirement ng pilipinas, lalo’t 55 % ng coal na ginagamit upang patakbuhin ang mga power plant ay imported.

Sa sandaling maisabatas, ang philatom ang magsisilbing independent body na magpapatupad ng mga regulasyon sa nuclear technologies upang matiyak ang ligtas at maayos na paggamit ng nuclear energy.

Una nang ipinaliwanag ni Cojuangco na kung mayroon nang nuclear energy sa bansa ay hindi na magbabayad ng mahal na kuryente.
Kung nuclear power ay nasa ¢35  per kilowatt hour lamang ang babayaran kumpara sa kasalukuyang gamit na coal na nasa P10 per kilowatt hour.

Inaalmahan ng mga residenteng naninirahan sa dalampasigan ng Nasugbu, Batangas ang pagkasira umano ng kanilang kapaligiran at karagatan, na naka-aapekto na sa kanilang kabuhayan.

Ito’y dahil sa hinihinalang black sand mining operations sa kanilang lugar, partikular sa barangay Bucana.

Ayon sa ilang barangay official, unti-unti nang kinakain ng sand mining ang baybayin at una sa posibleng maapektuhan ang mga beach resort, gaya ng Villa Fortuna, joyful paradise at bahagi ng Recuerdos De Playa.

Batay sa mga nakalap na dokumento ng Dwiz-Aliw 23, nagsasagawa ng dredging at desilting operations upang palalimin ang Bucana River na nasa pagitan ng mga bayan ng Nasugbu at Lian, na dumadaloy hanggang Tagaytay City, Cavite.

Pinangungunahan ito ng sinasabing australian firm na PH-AU Diversified solution group of companies incorporated.

Kinontrata ng provincial government ang PH-AU na mag-transport at mag-dispose ng 37,800 cubic meters ng buhangin at silt materials na nahuhukay o nakukuha sa loob ng 2 hectares na bahagi ng 19.9 hectares ng Bucana river.

Gayunman, ipinagtataka ng mga residente at mga mangingisda kung bakit sinimulan ng dredger ang paghahakot ng buhangin sa fortune island patungong ilog gayong dapat magmula ito sa ilog palabas ng dagat.

Una nang inihayag ni Chamber of M,ines of the Philippines Executive Director Ronald Recidoro na kapansin-pansing may ilang contractor na nag-de-dredging ng ilog pero kinukuha ang buhangin gayong dapat ay iniiwan o inihihiwalay lamang ito.

Isa anya ito sa mga halimbawa ng black sand mining na mahigpit na ni-re-regulate sa pilipinas at maaari lamang isagawa sa mga partikular na lugar.

Sa ilalim ng Republic Act 7942 o Philippine Mining Act of 1995, ipinagbabawal ang mining sa offshore areas sa loob ng 500 meters habang 200 meters naman kapag sa onshore areas.

Samantala, nakikipag-ugnayan na ang Dwiz-Aliw 23 kay Batangas Governor Hermilando Mandanas at Department of Environment and Natural Resources upang mabigyang linaw ang katangungan ng mga taga-Nasugbu.

Aprubado na ng kamara sa botong 284-0 ang panukalang makatutulong sa pagtugon sa epekto ng climate change sa bansa.

Aamyendahan ng House Bill 7754 ang Section 43 ng Presidential Decree 705 o “Revised Forestry Code of the Philippines” upang mapaikli ang paghihintay para muling mataniman ng puno ang mga inabandonang fishpond.

Mula sa limang taon ay gagawin na lamang itong tatlong taon.

Ayon kay House Speaker Ferdinand Martin Romualdez, sa ilalim ng bill ay inaatasan ang Department of Agriculture at Department of Environment and Natural Resources na maglabas ng guidelines para sa implementasyon nito.

Ang panukala ay inihain nina Agusan del Sur representatives Alfelito “Alfel” Bascug at Eddiebong Plaza, at Bulacan Rep. Linabelle Ruth Villarica.

Ang House Committee on Natural Resources na pinamumunuan ni Cavite Rep. Elpidio Barzaga ang tumalakay sa nasabing bill.

Nagtataka ang samahang industriya ng agrikultura sa pasya ng Department of Agriculture na ipagpaliban ang pagpapatupad ng suggested retail price upang mapababa ang presyo sa mga pamilihan.

Para sa sibuyas na pula, target ipatupad ang S.R.P. na P150 per kilo para sa pula at P140 para sa puti.

Ayon kay SINAG Executive Director Jayson Cainglet, maaaring may mas malaking rason sa anunsyo ni Agriculture Senior Undersecretary Domingo panganiban na pigilan ang S.R.P. sa sibuyas.

Tila pino-protektahan anya ng D.A. ang cartel sa hakbang na ito kaya’t kanilang kinukwestyon ang dahilan sa pagpapaliban ng pagpapatupad ng S.R.P.

Ipinagtataka rin ni Cainglet kung bakit hindi pinirmahan ni Panganiban ang draft order gayong nagkasundo naman sila sa meeting noong March 19, na ipatupad ang S.R.P. sa sibuyas.

Nangangahulugan anya ito na hindi sigurado ang mga D.A. official sa kapangyarihan ng kanilang ahensya.

Ipinunto naman ng sinag na matapos i-anunsyo ang desisyon na magpatupad ng srp, bahagyang bumaba ang retail prices ng sibuyas sa iba’t ibang palengke sa Metro Manila.

Naglunsad ng consultative meeting ang Bureau of Customs at US Embassy-Manila Special Operations Command Pacific Indo-PacCom Augmentation Philippines Information Team upang paigtingin ang kooperasyon at pagbabantay sa border ng dalawang bansa.

Tinalakay sa pulong ang mga oportunidad ng Pilipinas at US upang palakasin ang law enforcement, maritime operation, imbestigasyon at paggamit ng mga makabagong teknolohiya.

Dumalo sa meeting sina Customs Commissioner Bienvenido Rubio, Deputy Commissioner Teddy Raval, mga hepe ng iba’t ibang dibisyon, E.S.S., Financial Management Office, External Affairs Office at Interim Training Development Division.

Sa panig ng Amerika, dumalo naman si Jason Perez, Officer-in-charge ng Special Operations Command Pacific at Patrick Braun, hepe ng Information Support Team.

Isinusulong ng Aduwana ang pagpapatibay ng relasyon nito sa iba’t ibang ahensya upang mas mapaganda ang naihahatid nitong serbisyo sa bansa.