Nagbabadyang tumaas ang automated teller machine (ATM) fee bunsod ng pinalabas na utos ng Bangko Sentral ng Pilipinas tanggalin ang moratorium sa ATM fees.
Nais ng mga bangko na itaas ng 50% ang ATM fees bago ito hinarang ng BSP noong 2013.
Kaugnay nito, nais na paimbestigahan sa kongreso ni Makati City Rep. Luis Campos ang napipintong pagtaas ng ATM fee.
Sa pagtantiya, ang single interbank withdrawal transactions ay maaring umakyat sa P20.00 hanggang P30.00 mula sa kasalukuyang P10 .00 hanggang P15.00.
Aniya, posibleng maapektuhan nito ang 58 million ATM holder lalo na ang mahigit 4 million minimum wage earner.
