Inamin ni Asia’s Songbird Regine Velasquez – Alcasid na nawala ang kaniyang self-confidence matapos ang kaniyang silver concert noong 2012.
Magugunitang sa silver concert ni Regine nawala ang kanyang boses at hindi na niya tinapos ang palabas.
Subalit, nangako itong uulitin ang concert at libre na ito sa ticket holders.
Ito ay kahit pa nagkaroon at nag-tagumpay ang silver concert rewind, sinabi ni Regine na natakot siyang hindi niya maibigay ang kaniyang best sa pinakahuling concert na tinaguriang R3.0 o selebrasyon ng kaniyang 30th anniversary sa showbiz.
Ayon pa kay Regine, hindi siya nagpahalata sa nararamdamang kaba at agam-agam habang kino-conceptualize ang nasabing show dahil hindi pa buo ang kaniyang tiwala sa kanyang sarili sa mga panahong yan.
Gayunman, dahil sa naramdaman din niya ang suporta at pagmamahal hindi lamang ng kaniyang pamilya, mga ka-trabaho sa showbiz lalo’t higit sa kaniyang fans, ay buong-buo ang kanyang tiwala na ibibigay niya ang kaniyang “best ever performance” na nangyari naman.
