Nagpasalamat ang Office of Civil Defense (OCD) sa lahat ng mga lumahok sa 4th Quarter Nationwide Simultaneous Earthquake Drill.
Ayon kay OCD Deputy Administrator Assistant Secretary Casiano Monila, nagagalak sila dahil mas marami ang mga sumasali habang tumatagal ang pagdaraos ng nasabing drill.
Kahit pa aniya nasa gitna ng pandemya ang bansa ay nakakagawa pa rin ng paraan na maihatid ang mga impormasyon sa publiko sa pamamagitan ng social media.
Samantala, paalala ni Monila na importante ang maging handa sa anumang sakuna. —sa panulat ni Airiam Sancho
