Nadakip ng mga awtoridad ang asawa ng napatay na Malaysian Terrorist na si Zulkifli Bin Hir alyas Marwan sa isang raid sa Tubod Lanao del Norte.
Kinilala ang suspek na si Joromee Dongon na biyuda rin ng notorious leader ng Abu Sayyaf Group na si Khadaffy Janjalani bago nito pinakasalan si Marwan noong 2006.
Ayon kay Northern Mindanao Police Regional Office Spokesman Supt, Lemuel Gonda, inaresto si Dongon kabilang kanyang mga kaanak dahil sa pagtulong at pagbibigay suporta sa ilang mga terror activities sa bansa.
Dagdag ni Gonda, si Dongon ay iniuugnay sa Abu Sayyaf noong panahon ni Janjalani at sa nito lamang sa Jemaah Islamiyah.
Narekober naman sa tinutuluyan ni Dongon ang ilang armas, pampasabog at mga sangkap sa paggawa ng bomba.
Nahaharap ngayon si Dongon sa kasong illegal possession of firearms and explosives.
Posted by: Robert Eugenio
