Ang kapamilya actor na si Arjo Atayde ang tinutukoy ni Baguio City Mayor na “tumakas” na aktor na kabilang sa sampung aktor na nagpositibo sa COVID-19 habang naka lock-in taping sa lungsod.
Ayon kay Magalong, si Arjo ay umalis ng Baguio City ng walang paalam sa kanila at kini-claim nitong siya lang ang symptomatic at pawang asymptomatic ang mga kasamahan kaya’t iniwanan niya ang mga ito at bumaba na ng Maynila.
Dahil dito, sinabi ni Magalong na nagaalala siya dahil may tsansang maka-infect ng iba si Arjo sa kaniyang ginawa at hindi na nito hinintay pa ang resulta ng kanyang RT-PCR bago ito umalis.
Tinext na aniya niya si Arjo at sinabihang tiyaking lahat ng mga nakahalubilo nito partikular ang kanyang staff ay hindi aalis ng isang lugar.
Kasabay nito, inihayag ni Magalong na hindi tinupad ng production ang commitment nitong bubble at may mga tao ang mga ito na umuwi sa lugar at pagbalik ay hindi nagti-triage.
