Napaiyak si dating Immigration Associate Commissioner Al Argosino sa pagtangging humingi sila ni dating Immigration Associate Commissioner Michael Robles ng pera kay Retired General Wally Sombero kapalit ng kalayaan ng mga inarestong empleyado ni Jack Lam.
Giit ni Argosino, hindi niya akalaing mag-aabot ng mga bag na may lamang pera si Sombero.
Aniya, tumanggi siyang tanggapin ang mga nasabing bag ngunit sinabihan siya ni Sombero na hawakan lang iyon sandali.
“Kung may pagkakamali ako ay yung pumayag akong mailagay ito (bag na may lamang pera) sa aking kotse”, pahayag ni Argosino.
Kaugnay nito, nanindigan si Argosino na matibay ang kanilang kaso laban sa negosyanteng si Jack Lam.
“Your honor this is a corruption of public official, wala pong nag fa-file kay Jack Lam ng corruption na public official”, ani Argosino sa pagdinig ng senado.
By: Avee Devierte / Race Perez
