₱4-T halaga ng investments ang nalikom ni Pangulong Ferdinand Marcos Jr. sa kanyang mga biyahe sa ibang bansa.
Ayon sa Presidential Communications Office, iniulat ng Department of Trade and Industry na ang investments ay binubuo ng 148 proyekto na karamihan ay nasa manufacturing, IT, BPM,, renewable energy, data centers, at telecommunications.
Nabatid na ang ₱11.4-B sa mga ito ay rehistrado na sa investment promotion agency at nag-ooperate na. Habang ang ₱54.75-B ay mayroon nang registration, ngunit wala pang operasyon, samantalang ₱282.8-B ang pino-proseso na ang registration.
Kasama rin ang ₱544.15-B na signed investment agreements na may clear financial project value, higit sa ₱1.5-T sa mga nilagdaang Memorandum of Understanding at Letter of Intent at ₱1.522-T confirmed investments na nasa planning stage.
Pinakahuling nadagdag sa investments ay ang ₱14-B na pledges mula sa ikalawang foreign trip ng pangulo sa Japan. - sa panulat ni Jeraline Doinog mula sa ulat ni Gilbert Perdez (Patrol 13)