Hindi natinag ang mga protester sa Commonwealth Avenue sa Quezon City sa pagbuhos ng malakas na ulan.
Ginamit ng mga protester ang bitbit nilang mga payong at placard samantalang sumilong naman ang ibang raliyista ang Tandang Sora fly over.
Handa naman at kaagad isinuot ng mga pulis na nakabantay sa mga militante ang kanilang mga kapote.
Una nang nag-zero visibility ang malaking bahagi ng Quezon City partikular ang Scout Tobias Corner Timog dahil sa malakas na buhos ng ulan.
Nagdulot naman ng mabigat na daloy ng trapiko sa nabanggit na lugar ang kilos protesta na sinabayan ng pagbuhos ng ulan.
By Judith Larino
