Ipinagmalaki ng Philippine National Police (PNP) ang magandang ugnayan sa pagitan ng mga Komunidad at ng Pulisya para supilin ang kriminalidad.
Ito’y makaraang makapagtala ang National Capital Region (NCR) ng malaking pagbaba sa mga naitatalang focus crime cases sa nakalipas na 14 na buwan.
Batay sa Crime Statistics ng PNP mula Nobyembre 10, 2021 hanggang Enero 23, 2022 ay naitala ang 109,079 na mga focus crimes sa Metro Manila.
Mababa ito ng 16.9 percent mula sa dating 131,320 focus crime incidents na kanilang naitala mula Setyembre 5, 2019 hanggang Nobyembre 9, 2020.
Kabilang sa mga itinuturing na focus crimes ng PNP ay ang Homicide, Physical Injury, Robbery, Theft, Carnapping, Rape at pagnanakaw ng Motorsiklo. —sa ulat ni Jaymark Dagala (Patrol 9)
