Nakapagtala ng zero new COVID-19 cases at wala ring naiulat na nasawi sa sakit ang Angeles City, Pampanga noong February 20.
Nakitaan ng patuloy na pagbaba sa mga kaso ng virus ang siyudad simula noong nakaraang buwan kasunod ng isinasagawa nitong vaccination drive.
Naitala rin ang zero recoveries noong linggo, at nananatili naman sa 39 ang aktibong kaso ng COVID-19.
Ang Cutcut Village ang may pinakamaraming active cases na sampu, sinundan naman ng Malabanias at Santo Domingo na parehong may limang active cases at Tabun na may apat.
Sa kabuuan mayroong 14,521 COVID-19 cases sa Angeles City, kabilang ang 13, 947 recoveries at 535 deaths.
