Winakasan na ng Kapamilya actress na si Angel Locsin ang mga agam-agam ng fans kaugnay sa estado ng relasyon nila ng film producer na si Neil Arce.
Ito matapos ibunyag ng La Luna Sangre star na nagpalitan na sila ng ‘I love you’ ng film producer.
Ngunit, nilinaw ni Angel na hindi pa sila opisyal na magkasintahan ni Neil sa kabila ng pagdi-date ng makalipas na mga buwan.
Dagdag pa ng aktres, gusto nilang subukan ang relasyon na parang sila pero hindi, at i-enjoy ang kung anong mayroon sila ngayon.
Hindi man mapaliwanag ng aktres ang tunay na estado nila ni Neil Arce, makikita naman na masayang-masaya ito.
Si Angel ay nag-trending matapos ipalabas ang teaser ng ABS-CBN primetime series na La Luna Sangre kung saan mapapanood muli ang aktres.
