Nakalaya na mula sa Las Piñas City Jail ang anak ni Justice Secretary Jesus Crispin Remulla na si Juanito Jose Remulla III.
Ito ay matapos absweltuhin ng Las Piñas City court para sa kasong illegal drug possession.
Batay sa hatol ni Las Piñas City Regional Trial Court Branch 197 Judge Ricardo Moldez II, not guilty ang nakababatang Remulla para sa paglabag sa section 11 ng Comprehensive Dangerous Drugs Act o Republic Act 9165, dahil walang malinaw na ebidensiyang may alam ito sa natanggap na parcel na naglalaman ng high-grade kush.
Hindi naman matukoy kung saan magtutungo pagkatapos ang anak ni Justice Sec. Remulla.
Noong Oktubre a-onse nakaraang taon naaresto ang nakababatang Remulla at naghain ng apelang not guilty nitong Miyerkules, Nobyembre a-kwatro.
