Kinumpirma ng Philippine National Police (PNP) na isa sa mga utak sa Davao City night market bombing si Datu Mohammad Abdul Jabar Sema, anak nina Cotabato Congresswoman Bai Sandra Sema at MNLF leader Muslimin Sema.
Ayon kay PNP Chief Director General Ronald dela Rosa, si Abdul Jabar Sema ang nag-organisa sa pambobomba at nagbigay ng sasakyan na ginamit ng mga terorista.
Konektado anya si Sema sa Maute Group at isa sa mga nagpapalaganap ng ISIS sa Mindanao.
Una nang sinabi ng militar na naaresto si Sema sa Malaysia subalit ayon kay Dela Rosa nakatanggap sya ng report mula sa kanilang police attache’ sa Malaysia na negatibo ang report.
Dahil dito, pinakikilos na ni Dela Rosa ang kanyang mga tauhan sa Malaysia upang dakpin si Sema at maibalik sa Pilipinas.
By Len Aguirre | Jonathan Andal (Patrol 31)
