Inaayos na ng BF Homes Federation of Homeowners Association, ang kasong isasampa laban sa anak ni Negros Oriental Representative Arnolfo Teves Jr. at sa mga escort nito.
Ito ay matapos bugbugin ng grupo ni Kurt Matthew Teves ang Security Guard na si Jomar Pajares sa BF Homes Paranañaque, matapos bigong magpakita ng sticker at id para makapasok sa subdivision.
Ayon kay Atty. Delfin Supapo Jr. Ng BF Federation of homeowners associations, isasampa nila ang kaso sa lalong madaling panahon.
Sa ngayon, nakakuha na ng testimonya ang mga otoridad mula sa binugbog na gwardiya.
Matatandaang sa nangyari, tinutukan pa ng baril ng grupo ni Teves si Pajares kasabay ng pagpapaluhod dito at pambubugbog. – sa panulat ni Aby Malanday