Sumalang sa 10 araw na livelihood training ang mga anak ng 25 dating supporters ng communist NPA terrorist sa Sitio Tabon Barangay Aclan, Nasipit, Agusan Del Norte.
Ayon kay 1lt. Roel Maglalang, Civil Military Operation Officer ng 23rd Infantry Batallion ng 4th infantry division ng Philippine Army ang Sitio Tabon ay dating pinamumugaran ng mga miyembro ng NPA.
Pero nagdesisyon na ang mga residente sa lugar na paalisin ang mga npa at nakipag kasundong susuporta sa gobyerno.
Katuwang ng militar sa pagbibigay ng livelihood program sa mga dating supporter ng npa ang TESDA na nagsimula noong Enero 20, 2021.
Sa training tinuruan ang mga trainees ng pagtatanim ng gulay, tilapia production, egg-laying, at paggawa ng mga malilit na engine mechanic.
Sinabi naman ni Lt. Col. Julius Cesar Paulo, commander ng 23rd IB na ang ginagawang ito ng mga dating supporters ng NPA ay makakadagdga sa workforce ng mga Filipino para mas magkaroon ng world class competence at positive work values sa komunidad.