Inaasahang maglalabas ang incoming Duterte Administration ng amnesty general proclamation para sa mga kasapi ng CPP NPA NDF na may mga kaso at nakakulong.
Sinabi ng peace panel head ng Duterte Administration at ni incoming Labor Secretary Silvestro Bello III, bahagi ng confidence building measures ng Duterte Administration ang nasabing amnesty upang magtuluy-tuloy ang peace talks sa pagitan ng gobyerno at CPP NPA NDF.
Ayon kay Bello, isusulong ang amnesty proclamation sa kalagitnaan ng peace talks.
Ngunit paliwanag ni Bello, kailangan ang pagsang-ayon ng Senado at mababang kapulungan ng Kongreso upang maisakatuparan ang amnesty proclamation.
By: Avee Devierte
