Muling nakaranas ng malamig na panahon sa malaking bahagi ng bansa ngayong Miyerkules, ika-12 ng Pebrero, dahil sa pag-iral pa rin ng Amihan.
Ayon sa PAGASA, alas-5 ng madaling araw kanina, naitala sa 19.6 °C ang temperatura sa PAGASA Science Garden sa Quezon City; 11.6°C sa Baguio City; 19.4 °C sa Pampanga at Laoag City at 18°C sa Tanay, Rizal.
Sinabi ng PAGASA na bahagyang hihina ang Amihan kaya’t magiging mainit ang panahon sa Valentine’s Day sa Biyernes, ika-14 ng Pebrero, subalit mararanasan muli ang bugso ng Amihan sa susunod na linggo.
