Umapela kay Pangulong Ferdinand ‘Bongbong’ Marcos Jr ang alkalde ng bayan ng Allacapan sa Cagayan kaugnay sa nararanasang pagbaha sa kanilang lugar.
Ayon kay Mayor Harry Florida, pangmatagalang solusyon ang kailangan ng kanilang lugar lalo’t taon-taong laging binabaha ang kanilang bayan.
Partikular namang tinukoy ni Florida ang paghuhukay sa Linao River na malapit lang sa Cagayan River upang mapigilan ang pagbaha.
Noong Huwebes, unang isinailalim sa state of calamity ang bayan ng Allacapan bunsod ng epekto ng pananalasa ng bagyong maymay sa palayan at imprastruktura ng lugar.