Kumambyo ang aktres na si Alexa Miro hinggil sa isyung kumakalat sa social media na siya ang girlfriend ni Ilocos Norte 1st Rep. Sandro Marcos na anak ni Pangulong Ferdinand “Bongbong” Marcos, Jr.
Inilarawan ni Alexa ang tunay na estado ng kanilang relasyon ni Sandro kung saan, “magkaibigan” lamang sila.
Sinabi ni Alexa, na nagulat at naapektuhan siya sa natatanggap na pambabash mula sa mga netizen dahil first time niya itong naranasan.
Nilinaw din ng aktres na matagal na silang magkaibigan ng presidential son at “super close” lamang sila sa isat-isa.
Ayon kay Alexa, wala na siyang pakialam sa sasabihin ng ibang tao dahil alam niya kung sino siya maging nang mga taong nakakakilala sakaniya.
Matatandaan sa unang naging pahayag ni Alexa, kaniyang inamin na ipinaglaban pa nila ang kanilang pagmamahalan nang tahimik at malayo sa isyu kung saan, tumulong pa ito sa pangangampanya ni Sandro noong nakaraang eleksiyon.
