Sinagot na ni Vice President Sara Duterte ang akusasyon ni dating DEPED Undersecretary Doctor Gloria Jumamil-Mercado.
Kaugnay ito sa isiniwalat ng dating opisyal ng DEPED na nakatanggap siya ng limang sobre, na naglalaman ng P50,000 bawat isa noong nakaraang taon.
Sa press briefing sa Office of the Vice President, tinawag ni VP inday si Mercado na “Disgruntled employee” dahil sa kawalan nito ng tiwala sa kagawaran.
Ibinunyag pa ng pangalawang pangulo na ginamit ng dating opisyal ang pangalan niya nang walang authorization para lamang mag-solicit ng P16,000,000 sa isang kumpanya.
