Hindi nagsumite ng kanyang rekomendasyon si Philippine National Police (PNP) chief General Oscar Albayalde para sa susunod na pinuno ng pambansang pulisya.
Ayon kay Albayalde, hindi siya hiningan ng rekomendasyon kaya wala siyang ibinigay.
Aniya, ang susunod PNP chief ay depende sa disgresyon ni Pangulong Rodrigo Duterte.
Una nang sinabi ni Senador Christopher Bong Go na ikino-konsidera ng pangulo ang tatlong senior officials ng PNP para maging susunod na PNP chief.
Ito ay sina Police Lt. General Francisco Archie Gamboa, Police Lt. General Camilo Pancratius Cascolan, at Police Major General Guillermo Eleazar.
