Tinawag na “fake news” ni Atty. Jose Deinla, abogado ni Chief Justice Maria Lourdes Sereno ang akusasyon na naging maluho ang pamumuhay nito.
Ayon kay Deinla, ang naturang akusasyon ang isa sa naging batayan ni Atty. Larry Gadon na maghain ng impeachment laban kay Sereno.
Kabilang din sa mga naging batayan ang pagbili ni Sereno ng isang Toyota Landcruiser bilang security vehicle, mga business class travel at foreign trip maging ang paggamit ng Presidential Villa sa Shangri-La, Boracay.
Ipinaliwanag ni Deinla na may otorisasyon ng Supreme Court o SC ang mga business at foreign trip ni Sereno dahil alinsunod naman ito sa kanyang posisyon bilang Punong Mahistrado.
Ang paggamit naman sa Presidential Villa ay bahagi lamang ng tamang paggamit sa financial resources ng pamahalaan sa pamamagitan ng pagbawas sa gastos na inilaan sa 3rd ASEAN Chief Justice meeting noong 2015.
