Pinasisibak ng dalawang (2) grupo ng mga kabataan si Justice Secretary Vitaliano Aguirre dahil sa pagpapakalat nito ng mga pekeng impormasyon.
Sa kanilang petisyon sa Ombudsman, binigyang diin ng Millennials Against Dictators at Akbayan Youth ang paglabag ni Aguirre sa Republic Act 6713 o Code of Conduct and Ethical Standards for Public Officials and Employees.
Partikular na tinukoy ng dalawang grupo ang akusasyon ni Aguirre laban sa mga nasa oposisyon na nakipag-sabwastan umano sa Lucman at Alonto Clans sa Marawi City, ilang linggo bago lumusob ang Maute Group sa nasabing lungsod.
Bukod pa anila ito sa pahayag ni Aguirre na isang Korean Mafia ang nasa likod nang pagpaslang kay Korean Executive Jee Ick Joo.
Ang mga nasabing insidente ay nakadagdag sa fake news epidemic kaya’t hindi na dapat manungkulan si Aguirre sa Duterte administration.
By Judith Estrada – Larino
