Si Agriculture Secretary Proceso Alcala ang nakakatanggap ng pinakamalaking suweldo sa hanay ng gabinete noong 2014.
Ayon ito sa COA o Commission on Audit matapos makakubra ng halos P3.2 million pesos na bahagi ng kaniyang suweldo, allowances at iba pang benepisyo.
Tinataya sa P1.1 million pesos dito ay sinuweldo ni Alcala bilang Chairman ng National Food Authority Council sa loob lamang ng limang buwan.
Sumunod kay Alcala bilang highest paid si resigned Health Secretary Enrique Ona na kumita ng P2.5 million pesos noong 2014 at ikatlo sa sinuweldong P2.2 million pesos sina DOJ Secretary Leila de Lima, Trade Secretary Gregory Domingo at Labor Secretary Rosalinda Baldoz.
Sina Presidential Adviser on Food Security Francis Pangilinan at DOST Secretary Mario Montejo ay nakakubra ng tig-P2.1 million pesos at sinundan ni Budget Secretary Florencio Butch Abad na may P2 million pesos.
Nakapag-uwi naman ng P1.9 million pesos noong isang taon si DOTC Secretary Joseph Emilio Abaya, P1.7 million pesos si DILG Secretary Mar Roxas, P1.7 million pesos si Finance Secretary Cesar Purisima at kapwa P1. 3 million pesos ang nakuhang suweldo nina BIR Commissioner Kim Henares at resigned Customs Commissioner John Philip Sevilla.
By Judith Larino