Hinarap ni Pangulong Rodrigo Duterte sa isang dayalogo ang mga miyembro ng makakaliwang grupo sa Malacañang Palace.
Tumagal ng 40-minuto ang pulong sa pagitan ng Pangulo at nina Renato Reyes ng Bagong Alyansang Makabayan, Lisa Masa ng Gabriela, Elmer Labog ng Kilusang Mayo Uno at iba pa.
Mismong si Pangulong Duterte anila ang nagpasundo sa kanila sa Mendiola Bridge kung saan nagaganap ang kanilang rally na pagsuporta sa bagong pangulo.
Dito ay tinanggap ng Pangulo ang 15 point agenda na ninanais na paaksyunan ng grupo tulad ng economic development, good governance, social policy, peace and human rights at iba pa.
By Rianne Briones
