Umaapela ang Armed Forces of the Philippines (AFP) sa mga kidnapper na palayain na ang binihag sa Samal Island.
Ayon kay AFP Spokesman Lt. Col. Restituto Padilla, sana ay talikuran na ng mga kidnapper ang krimen at ibalik ng maayos ang hostages kung may natitira pang awa sa puso ang mga ito.
Gayunman inamin ni Padilla na mahirap umapela sa mga kidnapper dahil may ibang layunin ang kidnappers sa ginawang pagdukot sa 3 banyaga at 1 Pilipina.
Umapela rin sa publiko ang AFP para tulungan silang maresolba ang krimen sa pamamagitan nang pagre-report kung mamamataan ang mga bihag at kung lumambas na ang artist sketch ay tulungan silang tukuyin ang mga ito.
Inamin din ni Padilla na nananatili silang blangko sa kinaroroonan ng mga bihag.
By Judith Larino | Jonathan Andal
