Pinagbabawal na rin ang pagsasagawa ng Christmas party sa hanay ng Armed Forces of the Philippines (AFP).
Ayon kay AFP Chief Gen. Gilbert Gapay, ito’y para mailaan pa sa mahahalagang bagay ngayong mayroong pandemya ang pondong ilalaan dapat sa mga Christmas party.
Ito rin aniya ay pagpapakita ng pakiki-simpatiya at pagiging sensitibo sa lagay ng maraming pamilyang Pilipino ngayon na lubos na naapektuhan ng pandemya.
Ang hakbang din umano na ito ay para makaiwas na rin sa mga gatherings kung saan posibleng magkaroon ng transmission ng COVID-19.
Una rito, inanunsyo ng Philipine National Police ang hindi rin nila pagsasagawa ng Christmas party ngayong darating na holiday season.
