Kumpiyansa ang pamilya ng UST Freshman law student na si Horacio Atio Castillo III na makukuha nila ang hustisya sa lalong madaling panahon.
Ayon ito sa ama ni Atio na si Horacio Castillo Jr kasunod ng kauna-unahang paggunita nila ng Undas na wala ang kanilang pinakamamahal na anak.
Hangad ng mga magulang ni atio ang kapayapaan maging ang kasiyahan ng kaluluwa ng kanilang anak at umaasa silang aalagaan ito ng kaniyang lolo sa kabilang buhay.
Samantala, hindi na maaari pang idepensa ng Aegis Juris member na si Marc Ventura ang kaniyang sarili matapos mabigo itong makapaghain ng kaniyang kontra salaysay sa DOJ o Department of Justice.
Nabatid na ikinukonsidera si Ventura bilang testigo sa kaso ni Atio dahil ginamit na batayan ang isinumite niyang affidavit para makapasok sa WPP o Witness Protection Program.
