Naispatan sa labas ng Metro Manila ang mga tinutugis ng batas na sina Eduardo Acierto at Ismael Fajardo.
Ibinunyag ito ni PDEA Director General Aaron Aquino bagama’t tumanggi itong magbigay ng mga impormasyon sa usapin para hindi masunog ang kanilang operasyon laban kina Fajardo at Acierto.
Sinabi ni Aquino na may mga impormasyon silang nakakalabas ng bansa o pa Asya ang dalawa na posibleng gamit ang backdoor at maaaring may mga business transaction.
Samantala, lumalabas sa record ng Bureau of Immigration (BI) na nasa bansa pa sina Acierto at Fajardo na kapwa inisyuhan na rin ng hold departure order.
