Isinailalim na sa red alert ang lalawigan ng Abra dahil sa pananalasa ng Bagyong Ramon, ngayong araw ng Miyerkules.
Ayon sa Provincial Disaster Risk Reduction and Management Council (PDRRMO), kanila nang inabisuhan ang lokal na pamahalaan ng naturang lalawigan sa posibleng maranasang pagbaha at pagguho ng lupa o landslides sa lugar.
Hinimok din ang mga residente na naninirahan sa mga hazard-prone areas na lumikas na kung kinakailangan.
Samantala, nagdulot naman ng malaking abala sa mga biyahero ang naranasang pabugso-bugsong pag-ulan sa bahagi ng Abra nitong Martes.
