Tinatayang 15 kilo ng shabu na nagkakahalaga ng P102 milyon ang nasabat ng PDEA at Valenzuela City Police.
Isinagawa ang operasyon sa tapat ng isang bangko sa General Luis Street, Barangay Paso De Blaz kung saan naaresto ang suspek na si Joseph Dy, 42 anyos.
Nauwi naman sa engkwentro ang operasyon ng PDEA at mga pulis sa Bulacan laban sa ilang drug suspect sa Barangay Santol, sa bayan ng Balagtas.
Nakumpiska ng mga otoridad ang 75 kilo ng shabu na nagkakahalaga ng P510 milyon.
Natiklo ang isa pang Chinese na kinilalang si Wu Zishen, 50 anyos habang nakatakas ang kasama nitong si Chen Hongli.—sa panulat ni Drew Nacino
