Ido- donate ni Facebook Founder Mark Zuckerberg ang 99 percent ng kanyang stock sa charity.
Ito ay kasunod ng pagsilang ng kanilang panganay na anak ng kanyang asawang si Dr. Priscilla Chan na pinangalanang Max.
Sa kanyang Facebook post sinabi ni Zuckerberg ang kanilang stock na may kabuuang halaga na 45 billion dollars ay makakatulong upang masigurong magiging masaya at malusog ang mundo para sa kanilang anak at sa iba pang mga bata sa susunod na henerasyon.
Layon nitong magamit ang naturang pondo para sa advancement ng teknolohiya, pagtuklas ng gamot para sa mga sakit na walang lunas, pangangalaga sa kalikasan at iba pa.
Kasabay nito, nagpasalamat ang mag-asawa sa mga suporta at nagpaabot ng pagbati sa bagong yugto ng kanilang buhay.
By Rianne Briones
