Nadagdagan pa ng 99 katao mula sa Diamond Princess cruise ship ang nagpositibo sa 2019 coronavirus disease (COVID-19).
Ayon sa Japanese ministry of health, ito na ang pinakamaraming bilang na naitala na nadapuan ng virus sa loob ng isang araw.
Ang naturang kaso ay naitala matapos simulan na ng Amerika at ilan pang bansa ang pagrepatriate sa kanilang nationals na pasahero ng nasabing cruise ship.
Sa ngayon ay pumapalo na sa 456 na pasyente ang nagpositibo sa COVID-19 sa kabuuang 3,600 pasahero ng Diamond Princess cruise ship.
Umaabot na rin sa 513 ang kaso ng COVID-19.
