Siyam (9) na suspek ang nasawi sa magkakahiwalay na operasyon sa Quezon City.
Nakilala ang dalawa sa mga suspek na sina Machoman Layno alias Tsoking at Raymart Mendoza na kapwa nasawi sa buy bust operation ng QCPD sa isang engkuwentro sa Maligaya St., Bernarty Subdivision sa Novaliches.
Nakuha sa mga suspek ang isang kalibre 38 revolver, isang 45 pistol at sampung sachet ng hinihinalang shabu.
Dalawa pang suspek na nakilalang sina Rodolfo Ogtuhan alias Tsokoy at si Cris ang nasawi sa operasyon sa Benites at Arayat Streets sa Barangay San Martin de Porres sa Cubao District pasado alas-2:00 kaninang madaling araw.
Isang Kuya Ryan naman ang nakilala sa limang suspek na nasawi sa engkuwentro sa anti-illegal drugs operation sa Barangay Gulod sa Novaliches.
Narekober sa mga napatay na suspek ang isang 38 revolver, apat na 22 revolvers, siyam na sachet ng shabu at drug paraphernalia.
By Judith Larino
