Patay ang siyam katao habang sugatan naman ag anim na iba pa sa nangyaring car crash sa Las Vegas.
Ayon sa North Las Vegas Police, mabilis ang takbo ng isang maroon dodge challenger na bumangga sa stop light at umararo sa anim na iba pang sasakyan.
Agad na binawian ng buhay ang drayber ng naturang sasakyan dahil sa lakas ng impact ng pagsalpok nito, mayroon ring mga nasawing bata at matanda na pasahero sa ibang bihikulo.
Samantala, pinaalalahanan naman ng mga otoridad ang mga driver na dapat ay laging mag-ingat at dahan-dahan lang sa pagmaneho upang maiwasn ang mga ganitong insidente.—sa panulat ni Mara Valle
