Siyam na pamilya ang nawalan ng tirahan matapos na masunugan sa Barangay Burgos sa Rodriguez, Rizal .
Ayon sa Rodriguez Bureau of Fire, nagsimula ang sunog sa gilid ng Burgos Elementary School kaninang alas 2:50 ng madaling araw.
Pasado alas 4:00 naman ng maapula ito ng mga bumbero.
Umapela ng tulong ang lokal na pamahalaan para mabigyan ng damit at iba pang pangangailangan ang mga nasunugan.
Inaalam na ng BFP ang pinagmulan ng apoy at ang halaga ng natupok na ari – arian.
