Tinatayang nasa 80,000 Overseas Filipino Workers (OFWs) na naapektuhan ng pandemyang COVID-19 ang inaasahang uuwi na ng Pilipinas sa susunod na taon.
Ayon kay Overseas Workers Welfare Administration (OWWA) chief Hans Leo Cacdac, inaasahang magbabalik-bansa ang mga naturang OFWs sa unang bahagi ng taong 2021.
Sa ngayon, aniya, ay nasa kabuuang 370,000 OFWs na ang kanilang na-repatriate sa kasalukuyang taon.
Nasa 420,000 OFWs naman, ani Cacdac, ang nakatanggap na ng $200 o P10,000 cash aid mula sa gobyerno.
Samantala, magugunita namang bahagi ng Bayanihan to Heal as Once Act at Bayanihan to Recover as One Act ang pamamahagi ng naturang ayuda.