Muli na namang nagkaaberya sa biyahe ng Metro Rail Transit o MRT 3 ngayong umaga.
Pinababa ang halos 800 pasahero sa Shaw Boulevard Station Northbound dahil sa problema sa kuryente ng motor ng tren, alas-7:40 ng umaga.
Ang mga apektadong pasahero ay pinasakay na lamang sa sumunod na tren na dumating makalipas ang dalawang minuto.
Muling tiniyak ng pamunuan ng MRT na magsasagawa sila ng preventive maintenance at papalitan ang electrical components ng mga tren para maiwasan na ang mga katulad na aberya.
—-