Patay ang walong miyembro ng Islamic State of Iraq and Syria (ISIS) sa naganap na engkwentro ng mga rebelde at mga sundalo sa bayan ng Maguing, Lanao del Sur.
Isang sundalo ang namatay habang limang iba pa ang nasugatan matapos atakihin ng mga militar ang kampo ng ISIS na malapit din sa kampo ng Moro Islamic Liberation Front (MILF).
Narekober ng mga otoridad ang 40 matataas na kalibre ng baril, mga pampasabog, pitong kilo ng shabu at isang kilo ng marijuana makalipas ang engkwentro.
Samantala, hindi pa malinaw kung kabilang sa mga napatay sa bakbakan ang pinuno ng rehiyon ng ISIS na si Abu Zacharia. – sa panulat ni Mara Valle
