Patay ang 7 katao habang higit 100 naman ang sinugod sa ospital matapos uminom ng lambanog sa bayan ng Rizal sa Laguna.
Ayon kay Aldwin Cejo ng Laguna Disasater Risk Reduction Management Council (DRRMC), sinugod ang mga ito sa pagamitan matapos magpakita ng sintomas ng food poisoning.
Anila, nagsimulang dumating sa ospital ang mga ito pasado 4:00 ng hapon mula sa iba’t ibang lugar sa naturang bayan.
Dagdag naman kay Rizal Vice Mayor Antonio Aurello, nanggaling ang mga biktima sa isang birthday party sa Barangay Pook kung saan sila uminom ng lambanog.
Samantala, isang lalaki naman mula sa Candelaria sa lalawigan ng Quezon ang namatay din dahil sa pag inom ng lambanog.
