5 magkakamag-anak at 2 crew members ang nasagip ng mga awtoridad makaraang tumaob ang isang bangka sa karagatang sakop ng Puerto Princesa, Palawan.
Ayon sa Philippine Coast Guard (PCG), nagsasagawa ng island-hopping tour ang mga biktima sa Honda Bay nang mangyari ang trahedya.
Sinasabing hinampas ng malalakas na alon ang “mart grace 1″ na dulot ng bagyong marilyn dahilan upang tumaob ang nabanggit na bangka.
Agad namang nailigtas ng mga tauhan ng PCG ang mga pasahero ng bangka, kabilang ang isang bata, at maging ang mga crew nito.