(Updated)
Umakyat na sa anim (6) ang patay sa nangyaring engkuwentro sa pagitan ng mga hinihinalang kidnapper at mga pulis sa San Pablo, Laguna kaninang alas-6:00 ng umaga.
TINGNAN: Crime scene ng engkwentro sa San Pablo City, Laguna kung saan 1 babaeng pulis at 5 kidnappers na naka-uniporme na pang-pulis ang namatay @dwiz882 pic.twitter.com/HiBk9r5xa5
— Jonathan Andal (@JonathanAndal_) April 10, 2018
Ayon sa Hepe ng Quezon Province Police na si Sr. Superintendent Rhoderick Armamento, pumanaw na ang babaeng pulis na nasa kritikal na kondisyon kanina.
Kinilala ito na si PO1 Sarah Andal ng Candelaria Police.
Kasama nitong nasawi ang limang (5) suspek na nagpanggap na mga tauhan ng Philippine Drug Enforcement Agency o PDEA at nakasuot ng fatigue uniform.
Sugatan naman ang tatlong pulis na kinilala lamang sa mga pangalang PO1 Mendoza, PO1 Orlanes at PO1 Villaflor.
Sinabi pa ni Armamaneto na nagtamo ng daplis ng bala sa tiyan ang sinagip na kidnap victim na si Ronaldo Arguelles na sinasabing isang high value target sa droga.
—-
