Inaprubahan na ng Regional Tripartite Wages and Productivity Board ang dagdag na P40 sa arawang sweldo ng mga manggagawa sa National Capital Region para sa mga private establishment.
Ito’y mula sa kasalukuyang P570 , magiging P610 ang arawang sahod ng mga empleyado.
Sinabi ng Department of Labor and Employment (DOLE), na inilabas ng NCR’s Regional Wage Board ang Wage Order no. NCR-24.
Sa ilalim ng wage order ang karagdagang P40 sa daily minimum wage ay para sa Non-Agriculture at Agriculture Sector Workers.
Iniakyat na rin ang daily minimum wage sa P573 mula sa P533 ang mga nasa agriculture sector, service, at retail establishments na may labing limang pababang tauhan maging manufacturers na regular na tumatanggap ng hindi tataas sa 10 manggagawa.
Epektibo naman ang taas-sahod para sa private sector workers sa NCR bago sumapit ang July 16, 2023.
